فەرماندارێ گشتی یێ هەسەدێ مەزلووم کۆبانی کو ب پشتەڤانیا بەرپرسێن ھەرێما کوردستانێ و ئامەریکایێ سەرپەرەشتیا دیالۆگا کوردی-کوردی یا ژ بۆ ئێکرێزییا لایەنێن سیاسی یێن کوردێن رۆژئاڤایێ کوردستانێ دکەت، ل سەر دو حزبێن ک دھاتە ئیدیعاکرن ژ پێڤاژۆیا دانووستاندنان ھاتنە دوورخستن داخویانی دا.
د داخویانیا خوە دا فەرماندارێ گشتی یێ ھێزێن سووریایا دیمۆکراتیک (ھەسەد)ێ راگهاند، پارتیێن پێشڤەروو و ئێکەتی (ئەل وەحدە) ژ دیالۆگا ئێکرێزییا کوردی نەھاتنە دوورخستن.
مەزلووم کۆبانی ل سەر حسابا خوە یا تویتتەرێ نووچەیا دوورخستنا ھەردو پارتیێن پێشڤەروو و یەکیتی ژ پێڤاژۆیا نوویا ل رۆژاڤایێ کوردستانێ رەد کر.
مەزلووم عەبدێ تەکەز کر ژی: “پارتیێن وەکی پێشڤەروو و یەکیتی (ئەل-وەحدە) نەھاتنە دوورخستن. ئاگاھیێن دەربارێ ڤێ یەکێ دا د جھێ خوە دا نینە.”
فەرماندارێ گشتی یێ هەسەدێ دبێژیت: “ئینسیاتیفا مە یا ئێکریزییا کوردی ل گۆری پیڤانا خوە یا نیشتیمانی بەردەوامە. ئارمانجا مە ئەڤەیە کو گاڤ ب گاڤ ھەموو پارتیان بەشداری پێڤاژۆیا نوو بکەین. پارتیێن وەکی پێشڤەروو و یەکیتی (ئەل-وەحدە) نەھاتنە دوورخستن.
رۆژا ١٧ێ گولانا ٢٠٢٠ێ ب سەرپەرەشتیا شاندیێ ئەمریکایێ و ئامادەبوونا فەرماندارێ گشتی یێ ھەسەدێ مەزلووم کۆبانی ھەردو لایەنان ل سەر نێرینەکا سیاسی یا ھەڤبەش کو ژ ٥ خالان پێک دھات رێکەفتن کربوو.
بریارە ئەگەر ھەردو لایەن ل سەر لێڤەگەرا سیاسی رێکەفتنێ بکەن، دێ ڤێ جارێ ھەردو لایەن پرسێن رێڤەبەری، لەشکەری و ئابۆری گۆتووبێژ بکەن.
