سێیه‌مین روونشتنا دادگه‌هـ كرنا چیچه‌ك كۆبانی كچه شه‌رڤانا رۆژئاڤا كوردستانێ كو د ئێریشا تركیێ ده ب برینداری كه‌تبوو ده‌ستێ كۆمێن چه‌كداران ده، ئیرۆ ل باژارێ روهایێ تێ كرن.
ل گۆر ئاگاهیێن ده‌ستێ مه، ئیرۆ رۆژا سێشه‌می 22/9/2020ان، ل باژارێ روھایێ یێ باکورێ کوردستانێ، روونشتنا دادگەھێ ژ بۆ مه‌له‌فا چیچەک کۆبانی، کەچا شەرڤانا رۆژئاڤایێ کوردستانێ برێڤە دچە کو پشتی بریندار کرنا وێ ژ ئالیێ چەکدارێن سووری یێن سەر ب ترکیێ ڤە رادەستی ترکیێ ھاتبوو کرن.
دادگەھـ کرنا «دۆزگین تەمۆ» یا ب كۆد ناڤێ «چیچەک کۆبانی» ل دادگەھا جەزایێن گران یا روھایێ برێڤە دچە.
چیچەک کۆبانی د ئێریشا ئارتێشا ترکیێ دە ل سەر رۆژئاڤایێ کوردستانێ ل رۆژا ٢١ێ جۆتمەھا ٢٠١٩ان ل گوندێ مشێرفه گرێدای باژارۆکێ عەین عیسایێ ل باکورێ سووریێ ب برینداری کەتبوو دەستێ گرۆپێن ئۆپۆزسیۆنا سووریێ کو ترکیە ئالیکاریا وان دکە.
د وێ دەمێ بەلاڤبوونا دیمەنێ دەستەسەرکرنا چیچەک کۆبانی بووبوو سەدەما گەلەک کارڤەدانان.
چیچەک کۆبانی د گرتیگەھەکە روھایێ دە ھاتیە زیندان کرن و پارێزەرێ وێ ھدایەت ئەنمەک دبێژە، دەما گرتنا وێ نە زەلالە، ڤەکرنا وێ دۆزە ل سەر چیچەک کۆبانی بنپێکرنا ماددەیا 302 یا جەزایێن ترکیێ یە و دبێژە، چیچەک کۆبانی نە ل گۆر یاسایان ھاتیە دەستەسەرکرن و ت بەلگەیەک نینە ئیسپات بکە کو د دەما دەستەسەرکرنا وێ دە وێ تاوان ل دژی تركیێ کربە.
