پارتییا كاركه‌رێن كوردستانێ ئیرۆ د داخویانییه‌كێ ده ئه‌شكه‌ره كر ل ده‌ما دوو رۆژێن رابووری 7 عه‌سكه‌ر ل باكور و باشوورێ وه‌لات هاتنه جه‌زا كرن، هه‌موه‌خت دوو گه‌ریلا جانێ خوه ژ ده‌ست دانه.
ئیرۆ رۆژا سێشه‌می 22/9/2020ان، هه‌په‌گێ د داخویانییه‌كه نڤیسكی ده ئه‌شكه‌ره كر، د ئه‌نجاما ئێریشێن گه‌ریلایان ده ل هه‌ر یێك ژ ناڤچه‌یا حه‌فته‌نینێ ل باشوورێ كوردستانێ و سینۆرێ سێرتێ یا باكورێ كوردستانێ، 7 عه‌سكه‌رێن ترك هاتنه جه‌زا كرن و ئه‌ره‌به‌یه‌كه له‌شكری هات ئیمها كرن.
ده‌ست نیشان كر، ئه‌ڤ چالاكیێن گه‌ریلایان ل حه‌فته‌نینێ و هه‌روه‌ها ل دهێ یا ناڤچه‌یا سێرتێ پێكهاتنه، گه‌ریلایێن وان ژی ل ل 14 ئیلۆنێ ل گه‌ڤه‌رێ د ئێریشه‌كه هه‌وایی ده جانێ خوه ژ ده‌ست دانه.
هه‌ر یێك ژ ئارته‌شا ترك و هه‌په‌گه به‌رده‌وام ئامارێن زرارێن جانی یێن هه‌ڤ پارڤه دكن، لێ به‌لێ ئه‌ڤ ئامار ژ پال چ ئالیێن دن ڤه نایێن پشت راست كرن، له‌وما دبه ئه‌ڤ یێك به‌شه‌كی وێ جه‌نگا مه‌دیایێ به كو ئه‌و ل دژی هه‌ڤ ددن مه‌شاندن.
