موعه‌لم: «تركیه‌ وه‌به‌رهێنانێ د ته‌رۆرێ دا دكه‌ت»

موعه‌لم: «تركیه‌ وه‌به‌رهێنانێ د ته‌رۆرێ دا دكه‌ت»

وه‌زیرێ ده‌رڤه‌یێ سووریێ راگهاند، تركیێ پشته‌ڤانا سه‌ره‌كه‌ یا ته‌رۆرێ یه‌ و پێویسته‌ رێ ل همبه‌ر كارێن وێ یێ ده‌ریاسایێ بێ گرتن.

وه‌لید موعه‌لم وەزیرێ دەرڤەیێ سووریێ د گۆتارا خوە دە ل ھەمبەر کۆمەلەیا گشتی یا نەتەوێن یەکبوویی دە، رەخنەیێن توند ل ترکیێ گرتن و گۆت: رەژیما نھا یا ترکیێ ل دەرڤەیی یاسایا ناڤدەولەتی کار دکە و دڤێ رێ ل بەر وان سیاسەت و کارێ وێ بێ گرتن، کو گەفان ل سەر ئاساییش و ئارامیا ناڤچەیێ چێ دکە.

هه‌روه‌ها ده‌ست نیشان كر، ھنەک ئالی ھەنە پشتەڤانییا تەرۆرێ دکن، و تەرۆریستان ژ ناڤچەیەکێ دبن ناڤچەیەکە دن و ژ وەلاتەکی بۆ وەلاتەکی دن و رێ ژ بۆ ھاتنا ب ھەزاران تەرۆریستان خوەش کرنە و ھەموو ئاوایێن پشتەڤانیێ ددن گرۆپا بەرەیا ئەل-نوسرە.

وەلید ئەل-موەلم گۆت: ره‌ژیما تركیێ وەبەرھێنانێ د تەرۆرێ دە دکه‌ و پشتڤانیێ لێ دکه‌ و وێ بھێز دکه‌، تركیێ ھەر تشت خستییە ژێر بەرژەوەندیا ئاژاندایێن خوەیێن گومانبار، بێ گومان دەما بەھسا پشتیڤانی و پەرەدارکرنا تەرۆرێ دبە، رەژیما ترکیێ ل پێش ھەموویان تێ، رەژیما ترکیێ پشتیڤانەکی سەرەکەیێ تەرۆرێیە ل سووریێ و ناڤچەیێ.