ل گۆری کاربدەستێن ئەرمەنی، پەڤچوونێن لەشکەری یێن گران د ناڤبەرا ھێزێن ئەرمەنی و ئازەربایجانێ دا کو رۆژا یەکشەمبی 27/9/2020ێ ل ھەرێما قەرەباخا د بن کۆنترۆلا ئەرمەنی دا پەیدابوون بەردەوامە، ب کێمی 16 لەشکەرێن ئەرمەنی ھاتنە کوشتن و زێدەتری 100 لەشکەران ژی بریندار بوونە.
د ڤێ ناڤبەرێ دا، ئازەربایجانێ کۆنترۆلا خوە ل سەر دەڤەرێن ستراتەژیکێن ل قەرەباخ-ێ راگەھاند.
وەزیرێ بەرگریێ ل قەرەباخ راگهاند “ل گۆری ئاگاھییێن دەستپێکی، د پەڤچوونان دا 16 لەشکەر ھاتنە کوشتن و پتر ژ 100 لەشکەران ژی بریندار بوونە”.
ژ لایەکێ دی، هاریکاری سەرۆکێ ئازەربایجانێ حکمەت حاجیڤ تەکەز کر کو پەرلەمانێ ڤی ولاتی لھەڤ کریە کو ل هەموو دەڤەرێن وەلاتی رەوشا لەشکەری راگھینیت و رۆژا یەکشەمێ27/9/2020ان قەدەخەیا دەرکەتنا دەرڤە پێک جێبەجێ بکەت.
ئازەربایجانێ ئەڤرۆ ژی راگھاند کو وان د دەما شەرەکی گران دا ل دەڤەرا قەرەباخێ شەش گوندێن ئەرمەنی ل ڤێ دەڤەرێ داگیر کرینە.
