ل بەغدایێ ٧ کەس ھاتنە کوشتن

ل بەغدایێ ٧ کەس ھاتنە کوشتن

ئەڤرۆ رۆژا دوشەمی، 28/9/2020ان، د ئەنجاما ئێریشەک رۆکەتی ل سەر بالەفرگەھا ناڤنەتەوەیی یا بەغدایێ 7 کەسان جانێ خوە ژ دەست دا و ھەژمارەک زێدە ژی بریندار بوون.

د ئەنجاما وێ ئێریشێ دا ژ سەرجەما چەندین رۆکەتان دو رۆکەتێن کاتیوشا کو ئاراستەی بالافرگەھێ ھاتبوون کرن ل خانیەک نێزیکی بالافرگەهێ کەتن و د ئەنجام دا 7 کەس هاتنە کوشتن.

زافەر ئەلعانی، ئەندامێ پەرلەمانێ ئیراقێ، گۆت: “چەکێن پێشکەفتی یێن کو کۆمێن چەکدار راگەهاندی گەهشتینە دەستێ مە، ئیرۆ ل دژی بالەفرگەها بەغدایێ هاتینە بکارئینان و د ئەنجام دا مالباتەک و ھەژمارەک زارۆک بوون قوربانی.”

ئەڤ ئێریش د دەمەکی دا یە کو فەرماندارێ میلیشیاتێن “ئەلنوجبا” ئەکرەم ئەلکەعبی رۆژا یەکشەمێ گەف کربوو کو دێ بالیۆزخانەیا ویلایەتێن یەکبوویی ل بەغدا ب چەکێن پێشکەفتی یێن کو کەتینە دەست گرووپێن سەر ب ئیرانێ ڤە هێتە هەدەف کرن.