ل گوندەوارێ دێرکا رۆژاڤایێ کوردستانێ دو وەلاتیێن کورد یێن ب تەمەن ژ لایێ چەکدارێن سەر ب پەیەدێ ڤە راستی لێدان و رەڤاندن و بنپێکرنان ھاتن.
ژێدەرەکەێ ئاگەھدار تایبەت ژ گوندەوارێ دێرکێ دا زانین دەوریەکا چەکدار و دەڤنوخماندی کو پتر ژ 30 چەکداران ل خوە دگرت دەمژمێر 3:30 سەەرێ سپێدەیا شەمبیێ چوونە سەر مالا وەلاتیێ ب تەمەن جەمیل سلێمان ھاجی دا ل گوندێ کەلھێ و دەرباسی ئۆدا وی و ھەڤژینا وی بوون و ب توندی ل جەمیل دا.
ژێدەرێ هەروەها ئاشکرا کر دەما کو ھەڤژینا وی خاستی وان چەکداران دووری ھەڤژینێ خوە بکەت چەکداران ب توندی ل وێ دایکا کورد ژی خست و سەرێ وێ شکاندن.
ھەروەھا چەکداران ھەڤژینێ وێ و ب ئۆتۆمبیلەکا ژ جورێ تۆیۆتا بەرەڤ جھەکی نەدیار ڤە برن و تا نھا چارەنڤیسا وی نەدیارە.
ژێدەری ھەروەھا ئاماژە کر، کو هەیا نھا سەدەما وێ بنپێکرن و کریارا کرێت دەرحەق مافێ وان وەلاتیێن کورد نەھاتیە دیارکرن لێ نەرازیبوونەکا بەرفەرەھ ژ ئالیێ گوندیان ڤە دروستبوویە.
