9 شڤانێن په‌زی هاتنه‌ كوشتن

 شڤانێن په‌زی هاتنه‌ كوشتن

كۆمێن چه‌كدارێن گرێدای ئیرانێ، كۆمكوژییه‌ك ل دۆربه‌را باژارێ حه‌مایێ كر و 9 شڤانێن په‌ز دان به‌ر گوللـه‌یان و كوشتن.

نه‌رینگه‌ها سووری یامافێن مرۆڤان ئیرۆ رۆژا چارشه‌مبێ 30/9/2020ێ ئه‌شكه‌ره‌ كر، چەکدارێن میلیشیایێن سەر ب ئیرانێ ڤە کۆمکوژیەک ل بیابانا سووریێ كر و 16 شڤانان ب گوللـەیێن راستەراست دکوژن و بریندار دکه‌ن.

ده‌ست نیشان كر، ئه‌ڤ كۆمكوژی ل بیابانا حەمایێ چێبوویه‌، دەما شڤانان پەزێن خوە دچێراندن، چەکدارێن میلیشیایێن سەر ب ئیرانێ ڤە گوللـە ل وان رەشاندن.

دیار کر ژی، د ئەنجامێ دا 9 شڤان ھاتن کوشتن و 7 شڤان ژی بریندار بوون، رەوشا برینداران گرانە.

ئەڤ نە جارا یەکەمە، چەکدارێن سەر ب ئیرانێ ڤە شڤانان ل بیابانا سووریێ ئارمانج دگرن، ل 16 تەباخا بووری ژی، چەکداران 4 شڤان ل رۆژھلاتێ رەققایێ کوشتبوون و پەزێن وان دزیبوون.