وەزارەتا بەرەڤانیێ یا ئەرمەنستانێ راگەھاند؛ ئازەربایجانێ فەرمانداریا ئۆپەراسیۆنێن سەربازی یێن ل ھەرێما قەرەباخێ رادەستی ترکیێ کریە.
بەردەڤکێ وەزارەتا بەرەڤانیێ یا ئەرمەنستانێ شوشان ستیبانیان راگەھاند کو فرۆکەیێن F-16 و فرۆکەیێن بێ فرۆکەڤانێن ترکیێ ئەڤرۆ ل دەمژمێر 10:00ێ دا چەندین ئێریش ل دژی ئارمانجێن ئەرمەنی ئەنجام دان و چەند دەڤەرێن قەرەباخێ بۆمبەباران کرن.
شوشان ستیبانیان دیار کر: “ل گۆر زانیاریێن مە، ئەو فرۆکە فەرمانا خوە ژ ناڤەندا فەرمانداریا دەڤەرا ئەرزرۆم – قەرسا رۆژھلاتێ ترکیێ وەردگرن.”
هەر وەها دەستنیشان کر: “وەسا خویا دکەت ئازەربایجانێ دەستھلاتا فرۆکەڤانیێ و فەرمانداریا شەرێ خوە ژ لایێ ئەسمانی ڤە رادەستی ترکیێ کریە.”
ژ رۆژا یەکشەمبیا بۆری ڤە، شەر و پەڤچوون د ناڤبەرا ئارتێشا ئازەربایجان و ھێزێن کۆمارا نۆگۆرن یا قەرەباخێ یا سەر ب ئەرمەنستانێ بەردەوامە.