به‌رپرسه‌كێ وه‌زاره‌تا به‌رگریێ یا ئه‌مه‌ریكایێ ل ده‌ربارا ئێریشا مووشه‌كی یا شه‌ڤا ده‌رباسبوویی ل سه‌ر هه‌ولێرا پایته‌ختا باشوورێ كوردستانێ داخویانی دا.
تۆرا مه‌دیایی یا CNNێ ژ زارێ به‌رپرسه‌كێ پێنتاگۆنێ ڤه‌گوهاستییه كو مووشه‌كێن ل شه‌ڤا ده‌رباسبوویی ئاراسته‌ی هه‌ولێرێ هاتنه كرن، هه‌مان ئه‌و مووشه‌كن كو ل ناڤچه‌یێن دن یێن ئیراقێ ژ بۆ ئێریشا سه‌ر هێزێن ئامه‌ریكایێ هاتنه بكارئانین.
ده‌ست نیشان كر، 3 مووشه‌ك ل نێزی بنگه‌هه‌كا سه‌ربازی یا هه‌ڤپه‌یمانییا ناڤده‌وله‌تی كه‌تنه و تو زراره‌ك ل په‌ی نه‌هاتییه
ل شه‌ڤا ده‌رباسبووی 6 مووشه‌ك ئاراسته‌ی باله‌فرخانه‌یا هه‌ولێرێ هاتنه كرن، سازییا دژه ته‌رۆرا باشوورێ كوردستانێ هه‌ر د زوو ده وێنه‌یێن وێ ئۆتۆمبێلێ پارڤه كرن كو مووشه‌ك ژێ هاتنه ئاراسته كرن و ده‌ست نیشان كر كو ئێریش ژ گونده‌كێ به‌رتلایێ ل ده‌شتا نه‌ینه‌وایێ ژ پال میلیشیایێ حه‌شدا شه‌عبی ڤه هاتییه ئه‌نجام دایین.
مه‌سروور بارزانی سه‌رۆك وه‌زیرێ باشوورێ كوردستانێ ل ده‌ربارا ئێریشێ گۆت كو باشوورێ كوردستانێ وێ به‌رسڤه‌كا دژوار ژ بۆی هه‌ر هه‌وله‌كا تێكدانا ئارامیا كوردستانێ هه‌به و د پێوه‌ندییه‌كه تێله‌فوونی دا ل گه‌ل مسته‌فا كازمی یێ سه‌رۆك وه‌زیرێ ئیراقێ خوه‌ست حكوومه‌تا فه‌ده‌رال رێكارێن بگره به‌ر.
