د ده‌ما 24 ده‌مژمێرێن رابووری ده، ئارته‌شا ئه‌رمه‌نستانێ نێزی 30 چه‌كدارێن گرێدای تركیێ ل هه‌رێما كاراباخێ كوشتنه.
نه‌رینگه‌ها سووری یا مافێن مرۆڤان ئه‌شكه‌ره كر، د جه‌نگا نێڤبه‌را ئازه‌ربایجان و ئه‌رمه‌نستانێ ده كو ل سه‌ر هه‌رێما كاراباخێ تێ كرن، د ده‌ما 24 ده‌مژمێرێن رابووری ده نێزی 30 میلیشیایێن سووری ب ده‌ستێ ئارته‌شا ئه‌مه‌رنستانێ هاتنه كوشتن.
نه‌رینگه‌ها سووری ل رۆژێن رابووری به‌لاڤ كر كو ده‌وله‌تا تركیێ ب سه‌دان میلیشیایێن سووری ژ بۆ شه‌ر ڤه‌گوهاستنه كاراباخێ.
ئه‌ڤ ده‌ما چه‌ند رۆژانه شه‌ر و په‌ڤچوونێن نێڤبه‌را ئازه‌ربایجانێ و ئه‌رمه‌نستانێ ل سه‌ر هه‌رێما كاراباخێ دژوار بوونه، تركیه ب هێزه چوویه ناڤا ڤی شه‌ری ده و نها تێ گۆتن كو تركیه فه‌رماندارێتییا شه‌ر پێش ئازه‌ربایجانێ ڤه دكه.
