سەرۆکێ فرانسایێ ئیمانۆیل ماکرۆن، ئیرۆ رۆژا پێنجشەمی راگهاند، وان “زانیاریێن هەر دەقیق” هەنە، کو تەکەزێ ل سەر هەبوونا چەکدارێن سووری ل باژارێ قەرەباخ دکە، هەر وەها دبێژە کو ئەڤ چەکدار ژ بال ترکیێ ڤە هاتینە شاندن ژ بۆ ڤی باژاری.
پشتی گهیشتنا وەرۆکێ فرانسایێ ژ بۆ برۆکسل ب مەرەما بەشداریکرن د لۆتکەیا ئەورۆپایێ دە، ماکرۆن راگهاند: “زانیاریێن هەری دەقیق د دەست مە دە هەنە، ئێماژە ب ڤێ یەکێ دکن کو چەکدارێن سووری قادێن شەر ل غازیعەنتابێ ب جی هشتینە و بەر ب قادێن شەر ل قەرەباخێ چوونە”.
سەرۆکێ فرانسایێ هەر وەها راگهاند ژی: “ئەڤ کارەکی پڕ خەتەرە، ئەمێ د چەند ساعەتێن بهێت دە باس بکین”.
ژ ئالیێ خوە ڤە کۆشکا سەرۆکاتیا رووسیایێ ژی، ئا بەرنیاس ب کرملن، راگهاند، بەلاڤەکرنا چەکدارێن سووری و لیبی ل هەرێما ناگۆرنۆ قەرەباخ “پر ب خەتەرە”.
کرملن، ترکیێ ب ڤێ یەکێ تاوانبار دکە کو چەکداران ل سووریێ و لیبیایێ ژ بۆ پشتەڤانیا سوپایێ ئازەربایجانێ ل دژی ئەرمینیایێ دشینە. وەزارەتا دەرڤە ئا رووسیایێ ژی د داخوەیانیەکێ دە ئاخافتنێن کۆشکا کرملنێ تەکەز کرن کو چەکدارێن نە قانوونی هاتینە شاندن ژ بۆ هەرێما قەرەباخێ.
رووسیایێ داخواز ژ وان ئالیێن شەر ل سەر هەرێما قەرەباخێ دکن کر کو خوەل بکارئانینا چەکدارێن نە قانوونی بپارێزن.
تێ زانین ئەڤ دەما 5 رۆژانە شەر دناڤبەرا ئازەربایجانێ و ئەرمینیایێ ل سەر هەرێما قەرەباخێ دەرکەتیە و هەیا نها ژی بەردەوامە، هەرچەند کو هنەک هەولێن سیاسی هەنە ژ بۆ راوەستاندنا شەر و دەستپێکرنا گووفتگۆیان.