سنۆرێن چه‌مانكێ و به‌رێ گاره هاتن بۆردۆمان كرن
ئێریشێن ده‌وله‌تا تركیێ ل سه‌ر گوندێن باشوورێ كوردستانێ ب سه‌دما په‌كه‌كێ ده‌وام دكن، د دمژمێرێن رابووری دا، گوندێن سنۆرێ ناڤچه‌یێن چه‌مانكێ و سه‌رسنكێ یێن گرێدای پارێزگه‌ها دهۆكێ هاتنه هه‌ده‌ف كرن.
چاڤكانیێن پێگه‌ها داركا مازی ل باشوورێ كوردستانێ ئاشكه‌را كر، ژ دوهـی رۆژا پێنجشه‌می ڤه، باله‌فرێن جه‌نگی یێن ده‌وله‌تا تركیێ د ته‌عقیبا حه‌ره‌كه‌تێن په‌كه‌كێ دا، لڤ و ته‌ڤگه‌رێن گه‌ریلایان ل ئاقارێ گوندێن گیزێ و مەرانێ یێن سنۆرێ پارێزگه‌ها دهۆكێ هه‌ده‌ف كرنه.
ده‌ست نیشان كر، ئێریشا یه‌كه‌مین ل ده‌مژمێر 5:45 خوله‌ك یێ ئێڤارا دوهـی پێكهاتییه، وه‌ختا كو باله‌فران نوقته‌یێن په‌كه‌كێ ل چیایێ بێسمتێ یێ هنداڤا گوندێ گیزێ ل ناڤچه‌یا سه‌رسنكێ بۆردۆمان كرین.
هه‌موه‌خت ل ده‌مژمێر 5:50 خوله‌كێ ئێڤارێ، باله‌فران حه‌ره‌كه‌تا په‌كه‌كێ ل ئاقارێ گوندێ مه‌رانێ یێ گرێدای ناڤچه‌یا چه‌مانكێ هه‌ده‌ف كرن.
چاڤكانیێن پێگه‌ها داركا مازی ئاشكه‌را كر، د ئێریشان دا باله‌فرێن تركیێ یه‌ك مووشه‌ك ل چیایێ بێسمتێ و 3 مووشه‌ك ل ئاقارێ گوندێ مه‌رانێ دانه.
پارتییا كاركه‌رێن كوردستانێ ژ بۆ كو گه‌ریلایێن خوه ژ ئێریشێن باله‌فرێن تركیێ بپارێزه، حه‌ره‌كه‌تا گه‌ریلایێن خوه خستنه ناڤا گوند و نێزێ باژارۆكان، ب ڤێ سه‌ده‌مێ ئه‌ڤ ده‌ر ب به‌رده‌وامی تێن هه‌ده‌ف كرن و زرار ب روونشتڤانێن گوندان دكه‌ڤیت.
