ئارته‌شا تركیێ د ئۆپه‌راسیۆنه‌كێ ده كو ل دۆربه‌را باژارێ دێرسمێ یێ باكورێ كوردستانێ پێكئانییه، دوو گه‌ریلایێن په‌كه‌كێ هه‌ده‌ف كرن، هه‌په‌گه ژی دبێژه مه 11 عه‌سكه‌ر جه‌زا كرنه.
وه‌زاره‌تا كارێن ناڤخوه یا تركیێ د به‌یانه‌كه نڤیسكی ده ئه‌شكه‌ره‌كر، د 24 ده‌مژمێرێن رابووری ده، ئارته‌شا تركیێ د به‌رده‌وامییا ئۆپه‌راسیۆنا یلدرم دا كو ل دژی په‌كه‌كێ ده‌ست پێ كرییه، دوو گه‌ریلا ل باژارێ پلۆرێ یێ گرێدای دێرسمێ هه‌ده‌ف كرن.
ل همبه‌ر هه‌په‌گێ د به‌یانه‌كه نڤیسكی ده ئه‌شكه‌ره كر، وان ژ 24 مه‌ها رابووری 11 عه‌سكه‌رێن ترك ل باشوورێ كوردستانێ جه‌زا كرنه.
هه‌په‌گه دبێژه: ئه‌ڤ عه‌سكه‌ر د چالاكیێن گه‌ریلایێن په‌كه‌كێ و یه‌ژا ستارێ ده ل حه‌فته‌نینێ و خواكوركی هاتنه هه‌ده‌ف كرن.
هه‌ر ل ناڤبه‌را چه‌ند رۆژان ده، ئارته‌شا تركیێ و هه‌په‌گه ئامارێن زرارێن هه‌ڤ پارڤه دكن، لێ به‌لێ ئه‌ڤ ئاگاهی ژ پال تو ئالیێن دن ڤه نایێن پشت راست كرن.
