72 كرێگرتیێن ترك د شه‌رێ كاراباخێ ده‌ هاتنه‌ كوشتن

72 كرێگرتیێن ترك د شه‌رێ كاراباخێ ده‌ هاتنه‌ كوشتن

ژ ده‌ما ته‌ڤلی كرنا وان د ناڤا شه‌ر ده و هه‌یا رۆژا مه‌ یا ئیرۆ، 72 چه‌كدارێن سووری یێن گرێدای تركیێ، د شه‌رێ ئازاره‌بایجان و ئه‌رمه‌نستانێ ده‌ هاتنه‌ كوشتن.

نه‌رینگه‌ها سووری یا مافێن مرۆڤان ئیرۆ رۆژا یه‌كشه‌می 4/10/2020ان ئامارا زرارێن جانی یێن میلیشیایێن سووری ئه‌شكه‌ره‌ كر كو د شه‌رێ كاراباخێ ده‌ هاتنه‌ كوشتن.

ژ ده‌ما ده‌ست پێ كرنا شه‌ر و ته‌ڤلی كرنا كۆمێن چه‌كدارێن سووری، 72 چه‌كدار ب ده‌ستێ ئارته‌شا ئه‌رمه‌نستانێ ده‌ هاتنه‌ كوشتن.

ل گۆر نه‌رینگه‌ها سووری یا مافێن مرۆڤان، حكوومه‌تا تركیێ دێ هه‌ژماره‌كه‌ دن یا چه‌كدارێن سووری ژ بۆ ئه‌نیێن شه‌ر ده‌رباسی كاراباخێ بكه‌ت.

ل گۆر ئامارێن نه‌رینگه‌ها سووری، ژ ده‌ستپێكا شه‌ر و هه‌یا رۆژا مه‌ یا ئیرۆ، 1200 چه‌كدارێن سووری یێن گرێدای تركیێ ب رێیا باله‌فرخانه‌یا دیلۆكێ ژ بۆ ئه‌نیێن شه‌ر ل كاراباخێ هاتنه‌ ڤه‌گوهاستن.