تركیێ فه‌رماندارێن پارتییا كۆمۆنێست ل دێرسمێ كوشتن

ده‌وله‌تا تركیێ ئیرۆ كوشتنا دوو گه‌ریلایێن فه‌رمانده‌ د پارتییا كۆمۆنێستێن ترك ده‌ راگهاند و ده‌ست نیشان كر كو ئه‌و د لیستێن ره‌نگ سۆر و پرته‌قالی یێن ده‌وله‌تێ ده‌ بوون.

وه‌زاره‌تا ناڤخوه‌ یا تركیێ ئیرۆ رۆژا دووشه‌می 5/10/2020ان  د به‌یانه‌كه‌ نڤیسكی ده‌ ئه‌شكه‌ره‌ كر، ل سینۆرێ دێرسما باكورێ كوردستانێ، ئارته‌شا ترك دوو گه‌ریلایێن فه‌رمانده‌ یێن پارتییا كۆمۆنێستێن ترك هه‌ده‌ف كرن و راگه‌هاند كو ئه‌و د لیستا داخوازكریێن ده‌وله‌تێ دا بوون.

ده‌ست نیشان كر، ئه‌ڤ هه‌ردوو فه‌رماندار ب ناڤێ عه‌لی كه‌مال یه‌لماز و كۆد ناڤێ ئۆزگور د لیستا ره‌نگ سۆر ده‌ بوو و ئه‌و به‌رپرسێ رێخستنا TÎKKO (TKP/ML) بوو ل دێرسمێ.

هه‌موه‌خت یه‌ك ژی ب ناڤێ گۆچك كوربان و كۆد ناڤێ ئاسمینه‌ و ئه‌و ژی به‌رپرسا شاخا ژنان یا رێخستنا (TKP/ML) یا كۆمۆنێست بوو.

پارتییا كۆمۆنێستێن ترك كو پارتییه‌كه‌ چه‌پ ماركسی لینینی یه‌ و خه‌باتێن وێ ل باكورێ كوردستانێ هه‌نه‌، پارتییا كاركه‌رێن كوردستانێ پشتگریێ دده‌تێ.

تێ زانین ل 9 مه‌ها ئیلۆنا رابووری، ئارته‌شا تركیێ هه‌ر ل سینۆرێ دێرسمێ دوو گه‌ریلایێن دن یێن رێخستنا TÎKKO (TKP/ML) كوشتبوون كو ئه‌و ژی ئه‌رۆل ڤۆلكان ئیلده‌م ب كۆد ناڤێ نووبار‌ كو د لیستا ره‌نگ سۆر یا ده‌وله‌تێ دا بوو و گه‌ریلایا دن كو ژن بوو و‌ ناڤێ وێ فادیمه‌ چاكر بوو ئه‌و ژی د لیستا ده‌وله‌تێ یا ره‌نگێ گه‌ور دا داخواز كری بوو.