په‌كه‌كه ل گوندێ گوهه‌رزێ هاته بۆردۆمان كرن
باله‌فرێن جه‌نگ یێن ده‌وله‌تا تركیێ ئیرۆ خالێن په‌كه‌كێ ل گوندێ گوهه‌رزێ یێ سنۆرێ پارێزگه‌ها دهۆكێ هه‌ده‌ف كرن، بۆردۆمان ل چیایێ هنداڤا گوند بوو.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا سێشه‌می 6/10/2020ان، باله‌فرێن جه‌نگ یێن ده‌وله‌تا تركیێ خالێن په‌كه‌كێ ل هنداڤا گوندێ گوهه‌رزێ یێ گرێدای ناڤچه‌یا دێرالۆكێ ل ده‌ڤه‌را نهێلییا، بۆردۆمان كرن و ئه‌ڤ بۆردۆمان ل چیایێ هنداڤا گوند بوو.
ده‌ست نیشان كر، باله‌فران ل ده‌مژمێر 11:46 خوله‌ك نیڤرۆژێ، دوو مووشه‌ك ل خالێن په‌كه‌كێ ل سه‌رێ چیایێ هنداڤا گوندێ گوهه‌رزێ دانه.
ل گۆر دیمه‌نێن ئێریشان، دۆمانه‌كه مه‌زن ل جیێ كه‌تنا مووشه‌كان ل سه‌رێ چیایێ گوندێ گوهه‌رزێ خوه‌یا دبه، لێ به‌لێ چ ئاگاهی ل ده‌ربارا زیانێن په‌كه‌كێ نینن.
