چاوشۆغلو: دڤێت رووسیا بنپێکرنێن ئەرمەنستانێ راوەستینیت

وەزیرێ دەرڤەیێ ترکیێ داخاز ژ وەزیرێ دەرڤەیێ رووسیایێ کر، ھشیاریێ بدەتە ئەرمەنستانێ، ژ بەر کو ئاگربەستێ بنپێ دکەت.

وەزیرێ دەرڤەیێ ترکیێ مەولود چاوشۆغلو و وەزیرێ دەرڤەیێ رووسیایێ سەرگەی لاڤرۆڤ، ل سەر ئالۆزیێن د ناڤبەرا ئازەربایجان و ئەرمەنستانێ دا پێوەندیەک تەلەفۆنێ ئەنجام دان.

ل گۆر چاڤکانیێن دیپلۆماسی، چاوشۆغلو ژ ھەڤپۆستێ خوە لاڤرۆڤ خواستیە، دەرباری پابەندبوونا ئاگربەستێ ھشیاریێ بدەتە ئەرمەنستانێ.

ب ناڤبەینکاریا رووسیایێ، ئازەربایجان و ئەرمەنستان ل سەر ئاگربەستا ھەرێما قەرەباخێ رێکەفتن کر. ئاگربەست دوھی دەمژمێر 12:00ێ کەفتە وارێ جێبەجێکرنێ دا.

ب گۆتنا ترکیێ، ھێزێن ئەرمەنستانێ ب مووشەکان باژارێ گەنجەیێ ئازەربایجانێ ئارمانج کرنە و 9 سڤیلان جانێ خوە ژ دەست دانە.