لێ بهلێ پارتییا كاركهرێن كوردستانێ و كۆمێن میلیشیایێن گرێدای وێ ل شهنگالێ، ژ دهما ئیمزا كرنا رێككهفتنێ، كهتییه ناڤا ههولێن مهزن دا ژ بۆ كو راستییا ناڤهرۆكا رێككهفتنێ ل بهر چاڤێن خهلكی بهرزه بكهت و رێككهفتنێ وهها نیشان بدهت كو ل دژی خهلكێ شهنگالێ هاتییه ئیمزا كرن.
دوهـی رۆژا ئێكشهمبیێ 11/10/2020ێ پهكهكێ ئالیگرێن خۆ ل شهنگالێ كۆم كرن و خوهپێشاندانهك رێكئێخست، پهكهكێ هندهك سلۆگانێن گهمار ب خهلكێ شهنگالێ دانه گۆتن و ژ وان سلۆگانان ئاشكرا دبیت كو ههولێن پهكهكێ یێن چێكرنا پرسگرێكانه و پهكهكه ناخوازیت شهنگالێ چۆل بكهت ژ بۆ كو دوباره بهێته ئاڤهدان كرن و خهلكێ وێ مفای ببینیت، بهلكو دخوازیت شهنگال ههر د وێرانیێ دا بیت.
چهكدارێن پهكهكێ ب جلكێن مهدهنی خوهپێشاندان كر
تشتێ دی یێ سهیر ئهوه كو د ڤێ خوهپێشاندانێ دا پرانییا خهلكێ كۆمبوویی ههر چهنده كو ژ 500 كهسان كێمتر بوون، لێ بهلێ پرانییا وان ئهندام و ئالیگرێن پهكهكێ و ئهندامێن میلیشیایێن پهكهكێ یێن ل شهنگالێ بوون، ب گۆتنهكا دی چهكدارێن پهكهكێ ب جلكێن مهدهنی خوهپێشاندان كرن و گۆتار خواندن.
د وێ خوهپێشاندانێ دا، هندهك داخویانی ب ناڤێ پارتی و ئالیێن شهنگالێ هاتنه خواندن، لێ بهلێ د راستی دا، ئهڤ داخویانی یێن پهكهكێ ب خوه بوون، وهك داخویانیێن ب ناڤێ «پارتیێن ئازادی و دهمۆكراسی، پارتییا پێشڤهروو، تهڤگهرا ئێزێدییان ژ بۆ چاكسازی و پێشكهتن» كو ئهڤ ههموو پارتی و تهڤگهر ل ژێر سیبهرا پهكهكێ نه و وێ دامهرزاندینه.
پهكهكێ چالاكڤان تهلكیف كرینه ل دژی رێككهفتنێ پهیامان بهلاڤ بكهن
ههر چهند كو خوهپێشاندانا پهكهكێ چ كاریگهرییهكا خوه نهبوو و تنێ راستییا روویێ پهكهكێ و پیلانێن وێ یێن قرێژ ژ بۆ خهلكێ شهنگالێ دیار دكهت، پهكهكه ب ههر ئاوایهكی كهتییه ناڤا ههولێن خاپاندنا خهلكێ شهنگالێ دا و ههتا هندهك ئالیگرێن خوه ل سۆشیال مهدیایێ تهكلیف كرینه كو راستییا رێككهفتنا شهنگالێ ل خهلكێ وێ ڤهشێرن، میناك د ڤان پۆستێن چالاكێن پهكهكێ دا ل شهنگالێ هێرشێن راسته راست ل سهر ههرێما باشوورێ كوردستانێ و پێشمهرگهیێن باشوور تێدا نه.
پهكهكه شهنگالێ وهك فرسهتهكێ ژ بۆ خوه دبینیت، چونكه ژ كهتنا وێ د ناڤا شهنگالێ دا، شهنگال و دهردۆرا وێ بوویه ژێدهرا پهكهكێ ژ بۆ رهڤاندنا كچ و گهنجێن ئێزدی، ئهڤ چهند ژی مه ب چاڤێ خوه دیت وهختێ كو ل رۆژێن رابووری هندهك دایك و باڤێن ئێزدی ب چ ئاوا بهحسا پهكهكێ دكهن كانێ چ ب سهرێ گهنجێن شهنگالێ دئینیت و ب چ ئاوا وان درهڤینیت و بهرێ وان ددهته مهیدانا شهرهكی كو چ پهیوهندییا وان پێڤه نینه.
