دناڤبەرا حکوومەتا ئەفغانستانێ و چەکدارێن تالیبانێ دا شەر قەومی

دناڤبەرا حکوومەتا ئەفغانستانێ و چەکدارێن تالیبانێ دا شەر قەومی

چاڤکانیێن ھەرێمی یێن ل پارێزگەھا ئوروزگان یا ئەفغانستانێ رۆژا دوشەمبی 12/10/2020ێ ژ میدیایا ھەرێمی را پشتراست کر کو 16 ئەندامێن تالیبانێ د پەڤچوونێن د ناڤبەرا لەشکەرێن ئەفغانستانێ و چەکدارێن تالیبان دا ھاتینە کوشتن.

پشتی کو چەکدارێن تالیبانێ هێریش کریە سەر نوقتەیێن ئەولەھیێ یێن ل دەڤەرا دەھراودا ئوروزگان و پێنج لەشکەرێن ئەفغانی کوشتی، پەڤچوون چێبوون.

د پەڤچوونان دا 10 چەکدارێن تالیبانێ ژی بریندار بوون.

د ڤێ ناڤبەرێ دا، جیلانی فەرھاد، بەردەڤکێ پارێزگارێ ھەراتێ، راگەهاند کو شەرڤانێن تالیبان هێریشەک ل سەر گوندێن نێزیکێ ناڤچەیا کەرخ ئەنجامدا لێ بەلێ راستی شکەستنێ هاتن.

ل گۆری فەرھاد، ھەیا نھا د پەڤچوونێن دگەل ھێزێن حکوومەتێ دا ھەشت تالیبان ھاتنە کوشتن و 9 کەس ژی بریندار بوونە، و پەڤچوون هێشتا ژی بەردەوامن.