وەزیرێ دەرڤەیێ یەونانستانێ نیکۆس دەنداس ئەڤرۆ رۆژا دوشەمبی ترکیا ب وێ یەکێ تۆھمەتبار کر کو ل پشت ھەموو قەیران و کێشەیێن ھەرێمێ یە.
نیکۆس دەنداس د داویا جڤینا ئەنجوومەنا دەرڤە یا یەکیتیا ئەورۆپایێ دا ل لوکسەمبورگێ گۆت: “ئەڤرۆ دەرفەتەک پێک ھات کو ئەز ھەڤکارێن خوەیێن ل ئەنجوومەنێ ل سەر چالاکیێن نوویێن نەرەوا یێن ترکیێ ل پەراڤێن یەونانستانێ ئاگەھدار بکەم.”
دەنداس دیار کر کو ترکیا ژێدەرا ھەموو کێشەیێن ل ھەرێمێ، وەک قەرەباخ، سووریە، ئیراق، قبرس و باشوورێ رۆژھلاتێ دەریایا سپی یە.
وەزیرێ دەرڤەیێ یەونانستانێ تەکەز کر کو ترکیا ل ھەرێمێ وەک وێرانکەرا ئاشتیێ یە و بەر ب تێکبرنا ئارامیێ و دژی یاسایێن ناڤدەولەتی گاڤان دهاڤێژیت.
