هه‌ولێن په‌كه‌كێ یێن كڕینا مالا ئێزدییان ب 200 هه‌زار دۆلاران شكه‌ستن

هه‌ولێن په‌كه‌كێ یێن كڕینا مالا ئێزدییان ب 200 هه‌زار دۆلاران شكه‌ستن

ناكۆكیێن په‌كه‌كێ و مالا ئێزدییان ل شه‌نگالێ

مالا ئێزدییان پشتی بوویەرێن 3/8/2020ێ ژ ئالیێ هەژمارەکا کەسێن توندرەو یێن ئێزدییان هاتیيە دامەزراندن کو په‌یوەندیێن خورت دگەل سەرۆک عەشیر و فەرماندارێن لەشکری یێن ئێزدییان وەکە قاسم شەشۆ، قاسم سمێر، عەلی سەرحان عیسا و نائیف جاسۆ دا هه‌نه‌، ئارمانجا مالا ئیزدییان یەکرێزی یا ئێزدییانە.

مالا ئیزدییان وەکە سازیەکە سەربخۆ خۆ ددەته‌ ناساندن و دوور ژ سیاسەتێ پشتەڤانییا ئۆلا ئێزدییان دکەت، هەر وەها ب هەموو شیانێن خۆ هەول ددەت شەنگالێ ژ جوگرافیا یا کوردستانێ قوت بکەت و ئێزدییان وەک ئیراقی بدەته‌ ناساندن، هەول ددەت ئێزدییان وەک ئۆل و نەتەوه‌یا جودا ژ کوردان بدەته‌ ناساندن، ئه‌گه‌را ڤێ یەکێ ژی ڤەدگەرینیته‌ وێ یەکێ کو دبێژن هەرێما کوردستانێ ل ژێر ناڤێ کوردبوونا ئێزدییان مافێ ئێزدییان بن پێ دکەت.

سەعدوون قۆلۆ عەبدو سلێمان یێ بەرنیاس ب سەعدوون زەرۆ، ئێزدییەکە ژ هۆزا فەقیر و مالباتا زەرۆ، خەلکێ گوندێ عزێرە سەر ب باژارۆکێ گرعزێر ڤه‌، ئاکنجیێ سەردەشتا چیایێ شەنگالێ یە، ئەندامەکێ مالا ئێزدییانە ل سەردەشتێ، هەر وەها بابێ وی سەرۆکێ مالا ئێزدییانە ل سەردەشتێ.

مالا ئیزدییان ب گشتی و سەعدوون ب تایبەتی ب ئاوایەکێ ئاشکرا داخویانییان ل دژی سیاسەتێن پەکەکێ ل شەنگالێ دده‌ن، ب تایبەتی پشتی کو پەکەکە رابووی ب لێدانا تۆنێلان ل چیایێ شەنگالێ و راکێشانا عەرەبێن دەردۆرا شەنگالێ و رەڤاندنا نێزیكی 25 جوانێن ئێزدی و هنارتنا وان ژ بۆ جهێن نەدیار، ئەو ب ئاوایەکێ ئاشکرا و ب توندی ل دژی هەبوونا پەکەکێ د مەدیا و سۆشیال مەدیایێ دا داخویانییان ل دژی پەکەکێ ددەت، و ب توندی ل دژی هەبوونا پەکەکێ ل وان ناڤچەیان د راوه‌ستیت، هه‌تا نها مالا ئیزدییان دوو جاران ل دژی هەبوونا پەکەکێ و سەرەدەریکرنا وان د گەل گەلێ ئێزدی یێ شەنگالێ لەیزتن ب دیرۆک و جوگرافییا شەنگالێ ل سەردەشتا چیایێ شەنگالێ خۆپێشاندان ئەنجام داینە.

په‌كه‌كه‌ گه‌فان ل مالا ئێزدییان دكه‌ت

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كرن، پاش ڤان هەلویستێن مالا ئێزدییان، پەکەکێ ب بەردەوامی تێکۆشین کرییە کو مالا ئێزدییان رازی بکەت و بەرا خۆپێشاندانا ئێكێ ل 26/7/2020ێ، شمۆ عەڤدو یەک ژ بەرپرسێن ئاساییشا ئێزدیخان یا پەکەکێ ل شەنگالێ سەرەدانا مالا ئێزدییان کربوو و پێشنیار بۆ وان کربوو هه‌گەر دەست ژ دژاتیکرن و کارکرنێ و چالاکیێن ل دژی پەکەکێ به‌رده‌ن، پەکەکە ئامادەیە “200،000” دووسەد هەزار دۆلاران بدەته‌ مالا ئێزدییان، لێ بەلێ ئەندامێن مالا ئێزدییان ئەڤ پێشنیارا پەکەکێ ب توندی رەد کرییە.

هه‌روه‌ها ده‌ست نیشان كر، ژ بەر ڤێ یەکێ پەکەکە ژ چالاکیێن مالا ئێزدییان پڕ عاجزە، ژبەرکو وێرەکی ل ده‌ڤ خه‌لكێ شەنگالێ دروست کرییە کو ب ئاوایەکێ ئاشکرا و بێ ترس د سۆشیال مەدیایێ دا باس ل پێشلکاریێن پەکەکێ ل ده‌ڤه‌رێ بکه‌ن، ژ بەر ڤێ یەکێ ژی پەکەکە ب ئاوایەکی نە راستەراست ب رێیا تەلەفۆن و ئینتەرنێتێ گەفان ل ئەندامێن مالا ئیزدییان دکەت و ب کرێگرتیێن ترکیێ و پارتییا دەمۆکراتا کوردستانێ ب ناڤ سووچبار دکەت.