د دەما 10 سالان دا دەستدرێژی ل سەر 300 کەچکا کریە

د دەما 10 سالان دا دەستدرێژی ل سەر 300 کەچکا کریە

سەرۆکێ پۆلیسێن تەهرانی راگەهاند کو کەیوان ئیماموەردی ئیتراف کریە کو د دەما 10 سالان دە وی دەستدرێژی ل سەر پتری 300 کەچکان کریە و پۆلیسان د ڤەشارگەها وی دا دەست دانایە سەر هندەک “فلمێن رەش” ژ دەستدرێژییا وی ل سەر 46 کەچکان.

کەیوان ئیماموەردی کو پێش نها ژ لایێ هندەک کەچکان د توویتەرێ دا هاتە تاوانبارکرن ب دەستدرێژیا سێکسی ل سەر وان، ژ لایێ پۆلیسێن تەهرانێ ڤە هاتە دەستەسەرکرن.

پشتی دەستەسەرکرنا وی پۆلیسێن تەهرانێ راگەهاند کو نێزیکی 30 کەچکان سەرەدانا رێڤەبەرییا پۆلیسان کریە و ل دژی کەیوان سکالا تۆمار کریە.

رۆژنامەیا هەمشەهری یا ئیرانی ئەڤرۆ رۆژا سێشەمبی 13/10/2020ان ئاشکرا کر کو حسین رەحیمی د ناڤا نوونەرێن پارلەمەنتۆیا ئیرانێ دا راگەهاند کو ڤی تاوانباری دانپێدان کریە کو د دەما 10 سالان دا دەست درێژی ل سەر پتر ژ 300 کەچکان کریە و پۆلیسان د ڤەشارگەها وی دا دەست دانایە سەر هندەک “فلمێن رەش” ژ دەستدرێژییا وی ل سەر 46 کەچکان.

رەحیمی تەکەز کر کو کەسێن سکالا تۆمار کری هندەک کەچێن ئاکنجیێن تەهرانێ و هندەک ژ باژارۆکێن ئیرانێ نە، هەر وەها هندەک ژ وان کەچکان ژی ل دەرڤەی ئیرانێ پێوەندی ب دۆزگەرێ ئیرانێ کریە و ل دژی کەیوان سکالا تۆمار کریە.

پوستێن ھەمان بەش