رەوانگەھا سووری یا مافێن مرۆڤان راگەھاند کو تەرمێن دەھان چەکدارێن ئۆپۆزسیۆنا سووریێ یێن کو د شەرێ قەرەباخێ دا ھاتینە کوشتن ڤەگوھاستنە سووریێ.
ل گۆر رەوانگەھا سووری یا مافێن مرۆڤان، حەتا نھا تەرمێن 78 چەکدارێن سووری ژ ئازەربەیجانێ بۆ سووریێ ھاتنە ڤەگوھاستن و تەرمێن گەلەک چەکداران ژی وندا نە.
رەوانگەھێ ئاماژە ب وێ یەکێ ژی کریە کو ھەژمارا کوشتیێن چەکدارێن سووری ل ئازەربەیجانێ گەهشتیە 119 چەکداران.
ھەروھا رەوانگەھا سووری دەستنیشان کریە؛ ترکیا نھا ئامادەکاریێن ڤەگوھەستنا 400 چەکدارێن دی ژی دکەت.
بەری نھا رەوانگەھێ بەلاڤ کربوو، کو ھەژمارا چەکدارێن ئۆپۆزسیۆنا سووریێ یێن کو گهشتینە ئازەربایجانێ گەھشتیە 1450 چەکداران.
