دوو گه‌ریلا هاتن هه‌ده‌ف كرن

ئارته‌شا تركیێ ئیرۆ ئۆپه‌راسیۆن ل دۆربه‌را پارێزگه‌ها خه‌تایێ پێكئانی و د ئه‌نجامێ ده‌، دوو گه‌ریلایێن په‌كه‌كێ كه‌تن به‌ر ئێریشان.

وه‌زاره‌تا كارێن ناڤخوه‌ یا تركیێ ئیرۆ رۆژا یه‌كشه‌می 18/10/2020ان د به‌یانه‌كه‌ نڤیسكی ده‌ ئه‌شكه‌ره‌ كر، د چارچووڤه‌یا ئۆپه‌راسیۆنا یلدرم 13 ده‌ كو ل رۆژێن رابووری ده‌ست پێ هاتییه‌ كرن، ئیرۆ هێزێن جه‌ندرمه‌یان ل دۆربه‌را خه‌تایێ ده‌ست ب لڤ و ته‌ڤگه‌ران كرنه‌.

ده‌ست نیشان كر، د ساعه‌تێن ده‌ستپێكێ یێن ئۆپه‌راسیۆنێ ده‌، 2 چه‌كدارێن په‌كه‌كێ كه‌تن به‌ر ئێریشان و بوونه‌ ئارمانج.

ده‌وله‌تا تركیێ ئۆپه‌راسیۆنا یلدرم به‌ریا دوو مه‌هان ل باكورێ كوردستانێ ل دژی په‌كه‌كێ ده‌ست پێ كرییه‌، هه‌یا نها هه‌ری كێم 70 گه‌ریل تێده‌ هاتنه‌ هه‌ده‌ف كرن، ئه‌ڤ ل گۆر ئاگاهیێن ئارته‌شا تركیێ یه‌.