په‌كه‌كه‌ ل سه‌ر بكوشتن دانا سنێله‌یێن كورد به‌رده‌وامه‌

په‌كه‌كه‌ ل سه‌ر بكوشتن دانا سنێله‌یێن كورد به‌رده‌وامه‌

هه‌په‌گێ ناسنامه‌یا دوو گه‌ریلایان ئه‌شكه‌ره‌ كر كو ژ بال عه‌سكه‌رێن ترك ڤه‌ هاتنه‌ كوشتن، وه‌ك‌ هه‌ر جار هه‌موو پێزانین ل ده‌ربارا وان به‌لاڤ كرنه‌، لێ ته‌مه‌نا وان ئه‌شكه‌ره‌ نه‌كرییه‌‌ ژ بۆ كو تاوانا چه‌كدار كرنا زارۆكان ل سه‌ر نه‌هێته‌ ته‌سبیت كرن.

هه‌په‌گێ ئیرۆ رۆژا چارشه‌مبی 21/10/2020ێ د به‌یانه‌كا‌ نڤیسكی دا‌ ئه‌شكه‌ره‌ كر كو دوو گه‌ریلایێن وان ب ناڤێ «كه‌مال سه‌لیم و ئۆسمان سه‌لجوق» د ئێریشه‌كا تركیێ دا‌ ل 2 ئیلۆنا رابووری ل سلۆپیێ هاتنه‌ كوشتن.

هه‌په‌گێ وه‌كه‌ هه‌رجار ده‌م و جهێ شه‌هاده‌تا وان دانایه‌، لێ به‌لێ چ ئاماژه‌ ب ته‌مه‌نا وان نه‌كرییه‌، ژ بۆ كو تاوانا ره‌ڤاندن و ب كوشتن دانا سنێله‌ و جوانێن كورد ل سه‌ر ته‌سبیت نه‌به‌.

هه‌په‌گێ هه‌ر ئیرۆ د به‌یانه‌كه‌ دن دا ئه‌شكه‌ره‌ كر كو گه‌ریلایێن وان ل ناڤچه‌یا چه‌لێ یا جۆله‌مێرگێ ل قه‌ره‌قووله‌كا تركیێ خستییه‌ و زیان گه‌هاندینێ، لێ به‌لێ هه‌ژمارا عه‌سكه‌رێن كو هاتنه‌ هه‌ده‌ف كرن، نه‌زه‌لاله‌.

پارتییا كاركه‌رێن كوردستانێ ژ ده‌ستپێكا دامه‌زراندنا خوه‌ پشت به‌ستنێ ل سه‌ر ره‌ڤاندنا زارۆ و سنێله‌یێن كورد ژ هه‌ر چار پا‌رچه‌یێن كوردستانی دكهت‌ و ئه‌ڤ یه‌ك دبیته‌ ژێده‌را سه‌ره‌كی‌ یا په‌كه‌كێ ژ بۆ چێكرنا شه‌رڤانان، په‌كه‌كه‌ وان سنێله‌یان ب ده‌ستێ عه‌سكه‌رێن ترك ب كوشتن دده‌ت‌.

پوستێن ھەمان بەش