حكوومه‌تا باشوور دێ گۆرێن ب كۆم یێن شه‌نگالێ هلده‌ت

وه‌زاره‌تا كاروبارێن شه‌هید و ئه‌نفالكرییان یا حكوومه‌تا باشوورێ كوردستانێ، ئاماده‌كارییا دكه‌ ژ بۆ كو گۆرێن ب كۆم یێن ل شه‌نگالێ بهێن هلدان.

ل گۆر ئاگاهیێن ده‌ستێ مه‌، شانده‌كه‌ حكوومه‌تا باشوورێ ولات ب ئالیكارییا شانده‌كه‌ حكوومه‌تا فه‌ده‌رال یا به‌غدایێ، سه‌رێ حه‌فتییا بهێت دێ ده‌ست ب هلدانا گۆرێن ب كۆم یێن قوربانیێن ده‌ستێ ته‌رۆرا داعشێ، ل گوندێ سۆراخ یێ سنۆرێ شه‌نگالێ بكه‌ت.

تیما حكوومه‌تا باشوور كو مه‌شقا كارێن هلدانا گۆرێن ب كۆم دیتییه‌، ب هه‌ماهه‌نگی ل گه‌ل حكوومه‌تا به‌غدایێ رۆژا 24/10/2020ان دێ ل گۆندێ سۆراخ ده‌ست ئاڤێن هلدانا گۆره‌كێ ب كۆم.

به‌را نها ب 3 قوناغان 17 گۆرێن ب كۆم ل گوندێ كۆجۆ هاتنه‌ هلدان، 236 روفات تێدا بوون هه‌موو ژ بۆ پزیشكییا داد یا به‌غدایێ هاتنه‌ هنارتن و هه‌یا نها راده‌ستی مالباتێن وان نه‌هاتنه‌ كرن.