جەنەرال مەزلووم کۆبانی دبێژیت، رووسیا وەسا نیشان ددەت کو دخازیت وان و سووریێ پێک بینیت لێ د راستیێ دا تشتەکێ وەسا نەڤێت و تەکەز دکەت، رووسیا دخازیت ب ئاڤاکرنا بارگەھان، جھێ خۆ ل رۆژئاڤایێ کوردستانێ و سووریێ ب ھێز بکەت.
فەرماندارێ گشتی یێ ھێزێن سووریا دیمۆکراتیک (ھەسەدێ) مەزلووم کۆبانی دەربارێ رەوشا رۆژئاڤایێ کوردستانێ، ھەلویستا رووسیایێ و ھەولدانێن پێکئینانا وان و رەژیمێ ژ بۆ کۆڤارا ئەمریکی یا فۆرەگن پۆلجی ئاخڤت.
جەنەرال مەزلووم کۆبانی تەکەز دکەت، رووسیا وەسا نیشان ددەت کو دخازیت وان و سووریێ پێک بینیت لێ د راستیێ دا تشتەکێ وەسا ناخازیت.
مەزلووم کۆبانی گۆت، رووسیا دخازیت ب ئاڤاکرنا بارەگەھان، جھێ خۆ ل رۆژئاڤایێ کوردستانێ و سووریێ ب ھێز بکەت لێ ئەو نەشیت د ڤی واری دا سەرکەفتی بیت.
جەنەرال مەزلووم کۆبانی ئالۆزیێن ل رۆژئاڤایێ کوردستانێ و باکوورێ رۆژھلاتێ سووریێ تیخیتە ستوویێ رووسیایێ و دبێژیت، رووسیا ل رەخەکی نیشان ددەت کو ئەو دخازیت وان و حکوومەتێ پێک بینیت، ل رەخەکێ دی ژی پێکهاتنا وان و شامێ ناخازیت.
فەرماندارێ گشتییێ ھەسەدێ د وێ ھەڤپەیڤینا خۆ دا دبێژیت، ئەو دخازن ببنە بەشەک ژ ئارتێشا سووریێ یا پاشەرۆژێ، نە ئارتێشا سووریێ یا نھا.
