روفاتێن 75 ژنێن ئێزدی ل شه‌نگالێ تێن ده‌رخستن

روفاتێن 75 ژنێن ئێزدی ل شه‌نگالێ تێن ده‌رخستن

كارێن هلدانا گۆرێ ب كۆم یێ ل شه‌نگالێ ئیرۆ ده‌ست پێ كر، تێ پێشبینی كرن، روفاتێن 75 كه‌چ و ژنێن ئێزدی ژ وێ گۆرێن بهێنه‌ ده‌رخستن.

چاڤكانیێن پێگه‌ها داركا مازی ل باشوورێ كوردستانی ئه‌شكه‌ره‌ كر، ئیرۆ رۆژا شه‌می 24/10/2020ان، گۆرێ ب كۆم یێ قوربانیێن ده‌ستێ ته‌رۆرا داعشێ ل گوندێ سۆراخێ یێ شه‌نگالێ، ئیرۆ ژ بال تیمه‌كا هه‌ڤبه‌ش یا حكوومه‌تێن باشوورێ كوردستانێ و حكوومه‌تا به‌غدایێ هات ده‌ست پێ كرن، تێ پێشبینی كرن، روفاتێن 75 كه‌چ و ژنێن ئێزدی تێدا بهێنه‌ ده‌رخستن.

قوربانیێن د ڤێ گۆرێ دا، د هێرشا ته‌رۆرستێن داعشێ دا یا سالا 2014ێ ب كۆم هاتنه‌ كوشتن، ئیرۆ ژی مه‌راسیما هلدانا ڤێ گۆرێ ده‌ست پێ كرنه‌ و 4 كه‌سێن بسپۆر دێ ب ڤێ ئه‌ركێ رابن.

به‌را نها ب 3 قوناغان 17 گۆرێن ب كۆم ل گوندێ كۆجۆ هاتنه‌ هلدان، 236 روفات تێدا بوون هه‌موو ژ بۆ پزیشكییا داد یا به‌غدایێ هاتنه‌ هنارتن و هه‌یا نها راده‌ستی مالباتێن وان نه‌هاتنه‌ كرن.