سەرۆک کۆمارێ ترکیێ جارەکا دی گەف ل رۆژئاڤایێ کوردستانێ کرن و ئیشارەتا ئۆپەراسیۆنەکا نوو دا.
سەرۆک کۆمارێ ترکیێ رەجەب تەیپ ئەردۆگان راگەھاند، پەکەکێ ل سووریێ ل ئالیێ سنۆرێ ئیراقێ بلەز ھەول ددەت ستاتوویەکێ ئاڤا بکەت و داکو رێ ل بەر وێ بگرن، چ پێویست بیت ئەو دێ ئەنجام دەن.
ئەردۆگان دبێژیت: “حەتا نھا مە چ گۆتیە، مە کریە. چ پەیوەندیا ڤێ مژارێ ب ھەڤپەیمانی، دۆستانی و ھەڤکاریێن ل دەڤەرێن دی نینە. ئەگەر براستی ھەڤپەیمانن، دڤێت رێزێ ل مە بگرن.”
دەربارێ پرسا قەرەباخێ ژی ئەردۆگان دیار کر، دێ پشتگریا خۆ یا ژ بۆ ئازەربایجانێ بەردەوام کەین و گۆت کو ئەو دو دەولەت و ئێک گەلن و ئازەربایجان دخوازیت ئاخا خۆ یا داگیرکری ئازاد بکەت.
