فرانسا دەزگەھەک ئیسلامی هەلوەشاند

فرانسا دەزگەھەک ئیسلامی هەلوەشاند

حکوومەتا فەرەنسا دەزگەھەک ئیسلامی ھەلوەشاند، سەرۆکێ وێ دەزگەھێ داخوازا مافێ پەنابەریا سیاسی ژ ئەردۆگان کر.

وەزارەتا ناڤخوە یا فەرەنسا راگەھاند، وان دەزگەھا ئیسلامی یا ب ناڤێ “باراکا ستی” ھەلوەشاندیە، ژ بەر کو مسلمان بۆ توندوتیژیێ هان ددان و پەیوەندیا وێ دگەل بزاڤەکا ئیسلامی یا رادیکال ژی ھەبوو، ھەر دویان ئامادەکاریا چالاکیێن تیرۆریستی دکرن.

چەند رۆژێن بەرێ سەرۆکێ وی دەزگەھێ ئیسلامی، ئدریس سیھامەدین ژ لایێ ھێزێن ئەولەھیێ یێن فەرەنسا ڤە، ب تۆھمەتا کو رۆژنامەڤانەکێ بەرێ یێ کۆڤارا فرانسی یا چارلی ھیبدۆ تەھدید کریە، ھاتبوو گرتن.

ئدریس سیھامەدین ئەڤرۆ بانگ ل سەرک کۆمارێ ترکیێ رەجەپ تەییب ئەردۆگان کر، مافێ پەنابەریێ بدەتە وی و ھەڤالێن وی ژ بەر کو ئێدی ل فرانسا ئەولەھیا وان نەمایە.