ده‌وله‌تا رووسیایی ئه‌شكه‌ره كر كو ئەرمەنستان داخوازا ئالیکاریێ ژ وان كرییه، له‌وما هه‌گه‌ر شه‌ر ل قه‌ره‌باخێ به‌رده‌وام بكه، ئه‌و دێ پشته‌ڤانییا ئه‌رمه‌نستانێ بكه‌ن.
شه‌ر و ئالۆزی ل هه‌رێما قه‌ره‌باخێ ل نێڤبه‌را ئازه‌ربایجانێ و ئه‌رمه‌نستانێ هێژان به‌رده‌وامن، ئەرمەنستانێ داخوازێ ژ رووسیایێ كرییه کو ل سەر ئاوایێ پێشکێشکرنا ئالیکاریێن ئەولەکاریێ دەست ب دیالۆگێ بکن، وەزارەتا دەرڤە یا رووسیایێ ژی راگھاند کو ئەگەر شەر ل قەرەباخێ بەردەوام بکە، دێ مۆسكۆ پشتەڤانییا ئەرمەنستانێ بکەت.
ل ڤێ ده‌ربارێ ده، وەزارەتا دەرڤە یا ئەرمەنستانێ دیار كر کو سەرۆکوەزیرێ ئەرمەنستانێ داخواز ژ سەرۆکێ رووسیایێ ڤلادیمیر پوتین کرییە کو بلەز دەست ب گۆتووبێژان ل سەر رێکكەفتنا ئەولەکاریێ بکه‌ن ژ بۆ دیارکرنا جور و ئاوایێ وان ئالیکاریێن کو رووسیا دکاریت د چارچۆڤەیا رێکكەفتنا ئەولەکاریێ یا ناڤبەرا وان دە پێشکێشی ئەرمەنستانێ بکەت.
ئەڤ داخوازییا ئەرمەنستانێ پشتی وێ یەکێ ھات کو رۆژا ئینێ گۆتووبێژێن ناڤبەرا ئازەربایجان و ئەرمەنستانێ دە ل جنێڤێ بێ ئەنجام بوون.
رووسیایێ بنگه‌هه‌كه لەشکەری ل ئەرمەنستانێ ھەیە و رێکكەفتنەکە ئەولەکاریێ د ناڤبەرا ھەردوو وەلاتان دە ھەیە.
پشتی ڤێ داخوازا ئەرمەنستانێ، وەزارەتا دەرڤەیا رووسیایێ ژی راگھاند کو ئەگەر شەرێ ل دەڤەرا قەرەباخێ بەردەوام ببە، دێ رووسیا پشتەڤانییا ئەرمەنستانێ د ڤی شه‌ری دا بكه‌ت.
