جه‌یمس جێفری شاندیێ تایبه‌تێ ئه‌مه‌ریكایێ ژ بۆ كاروبارێن سووریێ راگه‌هاند، پارتییا كاركه‌رێن كوردستانێ «په‌كه‌كه» رێخستنه‌كا ته‌رۆریستی یه و پێویسته سووریێ ب جهـ بهلێیت.
جه‌یمس جێفری د چاڤپێكه‌تنه‌كێ دا ل گه‌ل رۆژنامه‌یا «سووریا دایرێكت» گۆت كو هه‌بوونا په‌كه‌كێ ل سووریێ یه‌ك ژ كریزانه، په‌كه‌كه رێخستنه‌كه ته‌رۆریستی یه و ئه‌م دخوازین ببینین كو چه‌كدارێن ڤێ رێخستنێ سووریێ ب جهـ دهێلن.
هه‌روه‌ها ئاماژه كر، هه‌بوونا په‌كه‌كێ ئالۆزیێن سووریێ ل گه‌ل تركیێ ل ناڤچه‌یێن سنۆری زێده كرینه و گۆت: ئه‌م دخوازین وان ئالۆزییان كێم بكه‌ین.
شاندیێ تایبه‌تێ ئه‌مه‌ریكایێ ژ بۆ كاروبارێن سووریێ ته‌كه‌ز كر كو ل گه‌ل ده‌وله‌تا تركیێ رێككه‌فتن چێبوویه ل ده‌ربارێ لڤین و ده‌وریێن سه‌ربازی، لێ به‌لێ تركیێ دلگرانییه‌كا زێده ژ هێزێن سووریایا ده‌مۆكراتیك هه‌سه‌دێ و په‌كه‌كێ هه‌یه.
