ل وانێ ١٠٠ دکان شەوتین

ل وانێ ١٠٠ دکان شەوتین

ل بازارەکێ باژارێ وانێ یێ باکورێ کوردستانێ شەوات دەرکەت و د ئەنجامێ دا ١٠٠ دکان ب تەمامی شەوتین و بوونە خوەلی.

ل قەزایا قەلقەلی یا سەر ب پارێزگەھا وانێ ڤە، ئەڤرۆ سێشەمبێ 3/11/2020ێ، ئاگر ب بازارەکێ کەت و د ناڤا ٣ دەمژمێران دا، ١٠٠ دکان ب تەمامی شەوتین. ل وی بازاری نێزیکی ٢٠٠ دکان ھەنە و ئاگر هێژتا نەھاتیە کۆنترۆلکرن و مەترسی ھەیە کو ئاگر دەرباسی دکانێن دی ببیت.

ژ بەر کو بازارێ مەزنە و ئاگر ب ئاوایەکێ بلەز ل دکانێن بازارێ بەلاڤ دبیت، ژ بلی تیمێن ئاگرڤەمراندنێ یێن شارەداریا باژێرێ مەزنێ وانێ، ژ باژێر و باژێرۆکێن دی یێن سەر ب وانێ ڤە ژی ١٥ ئۆتۆمۆبیلێن دی یێن ئاگرڤەمراندنێ و تیمێن تایبەت گھیشتنە قەلقەلیێ.

بازارا کو شەوات لێ دەرکەتیە، تایبەتە ب کەلووپەلێن ئەکسەسوارات و کەلەووپەلێن ناڤمالێ، ھەروھا گەلەک ژ دکانێن وی بازاری یاریێن ئاگرین دفرۆشن، کو ئەو یەک ژی یەک ژ سەدەمێن بلەز بەلاڤبوونا ئاگری ل بازاری یە. تەقینا بەردەواما یاریێن ئاگرین بوویە سەدەم کو ھەولێن تیمێن بەرەڤانیا سڤیل و تیمێن ئاگرڤەمراندنێ ژ بۆ کۆنترۆلکرنا ئاگر ھێدی بن.

پوستێن ھەمان بەش