حکوومەتا هەرێما کوردستانێ: ئەم ئێریشا پەکەکێ ل سەر ھێزا پێشمەرگە ب توندی شەرمەزار دکەین

حکوومەتا هەرێما کوردستانێ: ئەم ئێریشا پەکەکێ ل سەر ھێزا پێشمەرگە ب توندی شەرمەزار دکەین

ئەنجوومەنا قەزیرێن هەرێما کوردستانێ ئێرشا پەکەکێ ل سەر ھێزا پێشمەرگە ب توندی شەرمەزار دکەت و رادگەھینیت، “ئێریشێن ب ڤی رەنگی وەکو دەرباسکرنا خەتا سۆر دهێنە دیتن”.

ئیرۆ سەرێ سبەھێ ٤/١١/٢٠٢٠ێ ل ناحیا چەمانکێ یا سەر ب قەزایا ئامێدیێ ڤە چەکدارێن پەکەکێ ئێریشی سەر ھێزا پێشمەرگەیێن کوردستانێ کر و د ئەنجام دا پێشمەرگەیەک شەھید و سێ پێشمەرگەیێن دی ژی بریندار بوون.

د داخویانیا ئەنجوومەنا وەزیران دا ھاتە گۆتن، “ھەر ئێریشەکا ب ڤی رەنگی، ئێریشەکا ل دژی تەڤاھیا گەلێ کوردستانێ یە. حکوومەتا ھەرێما کوردستانێ ئێریشێن ب ڤی رەنگی وەکو دەرباسکرنا خەتا سۆر دزانیت.”

“حکوومەتا ھەرێما کوردستانێ ئێریشا ئیرۆ یا پەکەکێ ل سەر ھێزا پێشمەرگە، ب دەستدرێژکرنا ل سەر ھەرێما کوردستانێ و سازیێن وێ یێن رەوا ب ناڤ دکەت.”
د داویا داخویانیێ دا حکوومەتا ھەرێما کوردستانێ تەکەزی ل وێ چەندێ دکەت کو “حکوومەتا ھەرێما کوردستانێ رێگریێ ل بەر تێکچوونا ئەولەھیا ھەرێمێ دکەت.”

دەقا پەیامێ:

ئیرۆ چارشەمبێ ٤/١١/٢٠٢٠ێ ئەنجوومەنا وەزیران یا حکوومەتا ھەرێما کوردستانێ ب سەرپەرشتیا سەرۆکوەزیر مەسروور بارزانی و ئامادەبوونا جیگرێ سەرۆکوەزیر قوباد تالەبانی کۆمبوونا خوەیا ئاسایی یا حەفتانە ساز کر.

د جڤینا ل سەر ئێریشا ئیرۆیا ھێزێن پەکەکێ ل سەر ھێزا پێشمەرگە ل ناڤچەیا چەمانکێ یا سەر ب پارێزگەھا دوھۆکێ دا، ئەنجوومەنا وەزیران تەکەزی ل سەر وێ یەکێ کر، ھەرێما کوردستانێ کیانەک سیاسی و رەوا یا گەلێ کوردستانێیە. ھێزێن پێشمەرگە پارێزگەرێن ئاخ و گەلێ کوردستانێ نە، ژ بەر ڤێ یەکێ ھەر ئێرشەکە ب ڤی رەنگی ئێریشا ل سەر ھەموو گەلێ کوردستانێ یە. حکوومەتا ھەرێما کوردستانێ ل دژی شەرێ براکوژیێ یە. د ڤێ چارچۆڤەیێ دا ئێریشێن ب ڤی رەنگی وەکەو خەتا سۆر دحەسبینن و ئێریشا ئیرۆیا ل سەر ھێزا پێشمەرگە ژ ئالیێ ھێزێن پەکەکێ ڤە ب توندی وەکو ئێریشا ل سەر ھەرێما کوردستانێ و سازیێن وێیێن رەوا شەرمەزار دکەین. د ڤێ چارچۆڤەیێ دا وەکو حکوومەتا ھەرێما کوردستانێ ئەم رێ ل بەر تێکچوونا ئەولەھیا ھەرێمێ دکەین.

پوستێن ھەمان بەش