زاخارۆڤا: ل دەڤەرێن بن دەستھەلاتا ھەسەدێ لڤ و تەڤگەرێن داعشێ زێدە بوونە

زاخارۆڤا: ل دەڤەرێن بن دەستھەلاتا ھەسەدێ لڤ و تەڤگەرێن داعشێ زێدە بوونە

رووسیا ل ھەمبەر لڤ و تەڤگەرێن چەکدارێن داعشێ یێن  ل ھندەک دەڤەرێن سووریێ، نیگەرانیا خوە نیشان دا.

بەردەڤکا وەزارەتا دەرڤە یا رووسیایێ ماریا زاخارۆڤا راگەھاند؛ “لڤ و تەڤگەرێن شانەیێن رازایی یێن داعشێ و کریارێن وان ل رۆژھەلات و ناڤەراستا سووریێ، ب تایبەتی ل دەڤەرێن بن دەستھلاتا ئیدارەیا کوردی ل رۆژھلاتێ فوراتێ، نیگەرانیەکا مەزن ل جەم رووسیایێ چێکریە”.

ماریا زاخارۆڤا دیار کر: “راپۆرتێن رۆژانە بۆ مە دهێن و وێ یەکێ نیشان ددەن کو ئێریشێن تەرۆریستان ب سەر یەکەیێن ئارتێشێ و ھێزێن سووریا دیمۆکرات (ھەسەدێ) و یەکەیێن کوردی نە.”

بەردەڤکا وەزارەتا دەرڤە یا رووسیایێ ھێڤی خواست لژنەیا دارشتنا دەستوورا سووریێ یا ل جنێڤێ، ھەتا داویا ڤێ مەهێ بجڤە و دانووستاندنێن ل سەر دەستوورا سووریێ دەست پێ بکەن.