سەرۆکێ زانینگەهەکێ ل ئیرانێ ب تاوانا سیخوریێ بۆ CIA ب سێدارەدانێ هاتە مەحکووم کرن

سەرۆکێ زانینگەهەکێ ل ئیرانێ ب تاوانا سیخوریێ بۆ CIA ب سێدارەدانێ هاتە مەحکووم کرن

ب تۆمەتا سیخوری کرنێ ژ بۆ CIA ئەمریکی سزایێ سێدارەدانی ژ بۆ سەرۆکێ زانینگەهەکێ ل ئیرانێ هاتە دەرکرن.

چاڤکانیێن نووچەیان ل ئیرانێ ئیرۆ رۆژا شەمبی 7/11/2020ێ ئاشکەرا کر، ژبەر هەڤکاریا دگەل CIA یا ئەمریکی و گەهاندنا زانیاریێن تایبەت ب وان، سزایێ سیدارەدانێ ژ بۆ سەرۆکێ زانینگەهەکێ ل ئیرانێ هاتە دەرکرن.

میدیایا ئیرانێ راگەهاند: “نوونەرێن CIAێ ب ئامادەکرنا سیناریۆیەکێ نەهیشت کەچا وی سەرۆکێ زانینگەهێ ل ویلایەتێن یەکبوویی دەرکەڤیت، و تەنێ مەرجێ راکرنا قەدەغەیا دەرکەتنا ژ ئەمریکایێ ل سەر کەچا وی، هەڤکارییا ئیستخباراتی یا سەرۆکێ زانینگەهێ بوو دگەل CIA یا ئامەریکی و ب مەخابنی ڤە سەرۆکێ زانینگەهێ ئەڤ هەڤکاریە قەبوول کریە.”

ئەڤە د دەمەکێ دا یە کو حەتا نها ناسنامەیا ڤی سەرۆکێ زانینگەهێ نەهاتیە ئاشکەرا کرن و ناهێتە زانین ئەو سەرۆکێ کیژان زانینگەها ئیرانێ یە.