کلچدارۆغلو: تاکە پارتیا کو پرسا کوردا چارەسەر بکتە جەهەپە یە

کلچدارۆغلو: تاکە پارتیا کو پرسا کوردا چارەسەر بکتە جەهەپە یە

سەرۆکێ پارتیا کۆمارییا گەل (جەهەپە) کەمال کلچدارۆغلو بەشداری جڤینا نرخاندنا ئابۆریێ یا پارتیا خوە بوو و ل سەر پرسا کورد راگەھاند: “ناڤ و نیشانا چارەسەریێ پەرلەمانە، دێ ل وێرێ هێتە چارەسەرکرن. ھەموو ھوورگلی د راپۆرتا مە دا ھەنە. ڤێ پرسگرێکێ ژ بلی مە هیچ پارتیەک چارەسەر ناکەت.”

کەمال کلچدارۆغلو پشتی جڤینا پێشنیارێن چارەسەریا ئابۆریێ کو پارتیا وی جەهەپە ل دار خست، پرسیارێن رۆژنامەڤانان بەرسڤ دان.

کلچدارۆغلو ل سەر پرسا نووچەگھانێ K24ێ “گەلۆ پرۆژەیێن وەیێن تایبەت ژ بۆ باژارێن کوردان ھەنە؟” راگەھاند: “دڤێت ل ترکیێ پرسا ھەری بنگەھین، د چارچۆڤەیا بەرژەوەندیێن پارتیان دا نەهێتە نرخاندن. دڤێت ژ بۆ بەرژەوەندیێن ھەموو لایەنان بهێتە نرخاندن. ئەگەر پرسا کوردا حەتا نھا نەھاتبیتە چارەسەرکرن، ئەڤ بەرپرسیاریا سازیا سیاسەتێ یە.”

سەرۆکێ جەهەپێ کەمال کلچدارۆگلو دبێژیت: “ناڤ و نیشانا چارەسەریێ پەرلەمانە، دێ ل وێرێ هێتە چارەسەرکرن. ھەموو ھوورگلی د راپۆرتا مە دا ھەنە. ڤێ پرسگرێکێ ژ غەیری مە هیچ پارتیەک چارەسەر ناکەت. ژ لایەکێ دی، بێگومان ئەم دێ ژ بۆ ھەرێما رۆژھلاتێ ئاناتۆلیا و باشوورێ رۆژھلات، پلانسازیەکا تایبەتا ئابۆریێ برێڤە بەین. ژ بۆ پێشکەتن و گەشەدانێ، دێ ستراتەژیەکا تایبەت هێتە برێڤەبرن، سێکتەرا تایبەت ژ بۆ کو ل ھەرێمێ وەبەرهێنانێ بکەت، دێ هێتە هاندان و حەتا دەمەکێ درێژ باج ژ وان ناهێتە ستاندن. ئەگەر سیکتەرێ تایبەت نەچیت، دڤێت دەولەت بچیت و وەبەرهینانێ بکەت. وەکە میناک؛ وان باژارەکی گەلەک خوەشە، دڤێت ببیتە ناڤەندا گەشت و گۆزارێ.”