تۆپخانەیا سوپایێ ترکیێ ل شەڤا رابووری، چەند گوندێن ناڤچەیا شێراوا یا سەر ب ھەرێما عەفرینێ ڤه ل رۆژئاڤایێ كوردستانێ، تۆپباران کرن.
ل گۆر چاڤکانیێن خوەجھی، ل شه‌ڤا ده‌رباسبوویی تۆپخانەیا سوپایێ ترکیێ ھەر یەک ژ گوندێن مەرعەناز، مالکیێ و شەوارخە ل نەڤچەیا شێراوا یا سەر ب ھەرێما عەفرینێ ڤه تۆپباران کرینە.
ھەرسێ گوندێن ناڤبووری کو ل باکورێ رۆژھلاتێ باژارێ عەفرینێ نه، ل ژێر دەستێ ھێزێن کوردی نە و جار ب جار دكه‌ڤن به‌ر هێرشێن تركیێ و كۆمێن چه‌كدار یێن گرێدای سوپایێ تركیێ.
ژ دەما کۆنترۆل کرنا عەفرینێ ل 18 ئادارا سالا 2018ێ ژ ئالیێ ترکیێ و کۆمێن چەکدار ڤە، ب دەھان حالەتێن بنپێکرنا مافێن مرۆڤان ل ھەمبەر وەلاتیێن رەسەن یێن ھەرێمێ کو کوردن، ھاتینە کرن و رێخستنێن مافێن مرۆڤان یێن ھەرێمی و جیھانی ل سەر وان بنپێکرنا راپۆرت بەلاڤ کرینە.
ژ سه‌رجه‌ما گوندێن عه‌فرینێ، نێزی 10 گوندێن ناڤچه‌یێن شێروا و شه‌رایێ د ده‌ستێ هێزێن كوردی دا ماینه و ژ ئالیێ رێڤه‌به‌رییا خوه‌سه‌ر تێن ئیداره كرن.
