رێڤەبرێن پەکەکێ ب ھەموو ھێزا خوە ڤە، ژ کال و پیر، ژن و مێر دەستێن ھەڤ گرتنە ھەول ددەن کو تێگھشتنەکێ ل دژی حکوومەتا ھەرێما کوردستانێ ئاڤا بکەن. رێڤەبرێن پەکەکێ، کەسەک نابێژن ئێدی سەبرا مە ھەمبەر دەولەتا ترک، دەولەتا ئیرانێ ب دوماهی هات و ئەم دێ فەداییان ل دژی وە بکار ئینین. ئەم دێ فەداییێن خوە ل دژی وە ئەرکدار بکەین. پەکەکە دبێژیت ئەم دێ فەداییێن خوە دژی حکوومەتا ھەرێما کوردستانێ بکار ئینین. یا راست، ئەم نکارین ڤێ یەکێ وەکو تێگەھ ب ناڤ بکین، پەکەکە ھەول ددەت کو کەرب و کینێ رێخستن بکەت. ڤێ کەرب و کینێ نە دژی داگرکەرێن کورد، بەلکو ل دژی کوردان تەنزیم دکەت. کوردان حەتا نها قەت پارچەبوونەک د ڤی ئاستی دا ب خوە ڤە نەدیت بوو و ب ڤی رەنگی کەرب ژ یەک دو ڤەنەبوونە. د دیرۆکا کوردان دا پەڤچوونێن ناڤبەڕا حیزب و کۆمێن کوردان ھەبن ژی، د ڤی ئاستی دا هندی پەکەکێ تۆڤێ نەفرەتێ و دژبەرییا ل ھەمبەر هەڤدو چاندی چ حیزب و لایەنێن دی هندە ئەو تۆڤ نەجاندیە. پەکەکە نەفرەتێ دچینت و نەفرەتێ تەنزیم دکەت.
ھەول ددەت کو ب کەرب و کینێ، ڤەقەتینێ د ناڤ کوردان دا چێکەت. پەکەکە نە کو دەولەتا ترک پارچە دکەت. بەلکو پەکەکە ستراتەژییا پارچە کرنا ناڤا کوردان وەک بنیات وەردگریت. ئارمانجا سەرەکی یا پەکەکێ ئەوە کو کوردان پارچە پارچە بکەت، ئەشیران وێران بکەت، مالباتێ بەلاڤ بکەت، ل گۆری باوەرمەندییا جووداخوازییا چێبکەت و جڤاکا کورد حەتا تاکەکەسا پارچە بکەت. ئەڤە ئارمانجا پەکەکێ یە. جڤاکەکێ هندە پارچە بوویی تێرا ناکەت ڤێجا پەکەکە ژ بۆ بەرژەوەندیێن خوە یێن حیزبی گەلێ کورد هندە پارچە و پارچە پارچە دکەت، ئەڤە خییانەتا ھەری مەزنە. پێڤاژۆیا کو پەکەکێ ژ زینی وەرتێ ڤە رێخستن کرن و بتایبەتی ب کووشتنا رێڤەبەرێ ئاساییشا سەرزێرێ دەسپێکری حەتا گەھشتی شەهیدکرنا پێشمەرگەیان ل چەمانکێ ئەڤ پێڤاژۆیە ل گۆری پلانسازییەکێ ب رێڤە دچیت. لێ دیرۆک دێ ڤێ خییانەتێ نڤیسیت. پرۆپاگاندا پەکەکێ و دەستەیەک گەلەم شۆرێن وێ نەشێت ڤێ خیانەتێ ڤەشێریت.
پیلانا کۆدەتایا پەکەکێ ل کوردستانێ
یا کو پەکەکە دخوازیت بکەت ھەولەک کۆدەتایی یە. دبیت کو ئەم ڤێ زڤستانێ ببینە شاھدێ ڤێ شانۆیا کو پەکەکە ژ بۆ بێ ئارام کرنا باشوورێ کوردستانێ، دگێریت.
ئەم دکارین ببێژین چاڤکانییا ڤێ شانۆیا پەکەکە دگێریت، ھەولا دربەیا 15ێ تیرمەھا 2016ێ یا ترکیێ ھاتیە گێران. یا راست د ناڤەندێ دا، دربە ل گۆرێ نینە، بەلکو شانۆ ھەیە. ژ بلی کۆمەک لەشکەران دربەیەک “کۆدەتایەک” راستین نەبوو. تەنێ مرۆڤ ب پیسکۆلۆژییا کەری داکەتن کۆلانان، مرۆڤان بێی کو بزانن ژ بۆ چیە ھەڤوودو گولەباران کرن. ئەو پێڤاژۆیا ترکی یە بەر ب تارییێ ڤە بری ب ڤێ کۆدەتایێ ڤە گەهشت قووناغەکا نوو. ئەرێ، چاڤکانیا ڤێ پلانا پەکەکێ ژی، ئاکەپە یە. ھەر چەند پەکەکە وە خویا دکەت کو ل دژی ئاکەپێ گەلەک دژبەرە، ھەر دەم دبێژیت فاشیزما ئاکەپێ-مەھەپێ ژی، لێ بەلێ پەکەکە ب خوە گەلەک وەکی ئاکەپێ یە. رێباز و شێوازا کو رێڤەبەرێن پەکەکێ د سیاسەتێ دا بکار تینن و یا ئەردۆگان و سیاسەتمەدارێن ئاکەپێ وەکی ھەڤن. ژ درەو کەرن، ناترسن، بێوژدانن، ژ درەوان ناترسن و ب زمانەکی گەفکار د ئاخڤن.
بێ گومان، ئەگەر ئسلۆب یێک بیت ئارمانج ژی یێکە. ئاکەپە ژی پەکەکە ژی، مفای ژ فەوزایێ وەردگرن. گەر فەوزا نەبیت ئەو ژی نینن.
ژ دەستپێکێ دا ئەڤ پلانا رێڤەبەرێن پەکەکێ بوو، کو ژ لایێ لەشکەری ڤە کەشێ پەڤچوونێ ئاڤا بکەت. لێ پەکەکە باش دزانیتە کو ئەو نکاریت پێشمەرگە ب لەشکەری تێک ببەت و ھەڤسەنگییا ھەرێمی ژی رێکێ نادەت تشتەک ووسا. ئێرشکرنە سەر ھێزەکێ کو ژ لایێ هەڤپەیمانییا ناڤنەتەوەیی ڤە تێتە ناسکرن، دێ پەکەکێ ئینیتە ئاستا داعشێ د سیستەمێ ھەرێمی دا. ژ بۆ ڤێ، پەکەکێ پلان کرییە کو شەرەکی کۆنترۆل کری بدەتە مەشاندن. ژ بەر ڤێ یەکێ نەخشەرێیەکا وێ نینە کو ھەر جهەکێ ب جارەکێ ڤە ژ بۆ خوە بکەتە ئەنیا شەر. د راستی دا پەکەکە ب کوشتنا رێڤەبەرێ ئاساییشا گشتی یا سەرەزێرێ غازی سالح ئالیخان و ئێریشکرنا پێشمەرگەیان ل چەمانکێ گولەیا ئیشارەتێ ئاڤێت. باشە، پەکەکێ ژ بۆ کێ ئەڤ گولەیا ئیشارەتێ ئاڤێت؟ پەکەکێ ئەڤ گولەیا ئیشارەتێ ژ بۆ تیمەکێ کو ناڤەندا وێ ل سلێمانیێ یە ئاڤێت.
پەکەکە ب سیاسەتا مەغدووریەتێ ڤە خییانەتێ تەنزیم دکەت.
ب راستی، پشتی بوویەرا چەمانکێ، پەکەکێ هزر دکر کو پەڤچوونا پیچەکا دی زێدە بکەت و چەند چالاکییێن دی ژی ئەنجام بدەت. لێ بەلێ، ئەمریکا و فەرانسا راستەراست بوویەر وەکی کریارەک تەرۆریستی دیتن و پەکەکێ گاڤەکێ پاشڤە ئاڤێت. ڤێ جارێ، پەکەکە دخوازیت رۆلێ مەغدووریەتێ بگێریت. لێ پەکەکێ پرسگرێکا پەڤچوونێ ب تەڤاھی ژ ھۆلێ رانەکرییە. پەکەکە خوە ژ بۆ شەرەکی گران ئامادە دکەت. ب تەنێ بوویەرا چەمانکێ، پەکەکە گەهشتە وێ ئەنجامێ کو ئەو نەچارە بوویەرێ پێتر ژ بۆ رایا گیشتی رەوا بکەت. ئەو ژ بۆ رەوابوونا ناڤنەتەوەیی د خوازیت خوە ڤەشێریت و ھێڤییا سەرھلدانا تەڤایی دمینیت.
ھێزێن کو پەکەکێ دگەل وان پیلانا کۆدەتایێ دانای یێن ھەی. د راستی دا ئارمانجا شەھیدکرنا غازی سالح ئەڤە بوو کو ھندەک جەسارەتێ بدەتە ڤان هێزێن ھەڤکار. ئەم نکارین ببێژین ھەمی ئێکەتی “یەنەکە” د ناڤا ھەولدانەکا ب ڤی رەنگی دا یە، لێ د ناڤ یەنەکێ دا مرۆڤێن ب ڤی رەنگی ب چاڤسۆری ل گەل پەکەکێ تەڤدگەرن ھەنە. میناک؛ کەسێن مینا سەرکەوت شەمسەدن ھەنە. ئەڤ کەسە کییە، کو ژ ب سالانە ژ لایێ ھەر کەسەکێ ڤە وەکو سیخۆرێ ئیرانێ تێتە زانین: ئەو کوردەکە نھا ل پارلەمانا ئیراقێ یە. ھەیڤێن بھارێ دا، ئەو یەک ژ وان کەسان بوو کو ل پارلامەنتۆیا ئیراقێ گۆت کو “دڤێت فرۆتنا نەفتێ ل ھەرێما کوردستانێ ژ لایێ ئیراقێ ڤە بهێتە ئاستەنگ کرن و ئەگەر پێدڤی بیت حکوومەتا ئیراقێ پێدڤییە ھێزا لەشکەری ژی بکار بینیت”. بێ گومان، د ھەمان میزانییێ دا سەرۆکێ نەوەی نوێ ژی ھەیە. ب گۆتنەکا دی، پالپشتییەکا سییاسی یا قرێژی ھەیە کو پەکەکە د چێکرنا ڤان ھەمی پیلانان دە لاینگرێ وێ یە.
پیلانا پەکەکێ یا کۆدەتایێ ئەم دکارین ب ھوورگولی ڤە بنڤیسن. جھێ کو ئەڤ پیلانا کۆدەتایێ گەهشتیێ ھەیە ئەو ژی پارچەبوونا حکوومەتا ھەرێما کوردستانێ یە. گەر تەڤگەرەکا ب ڤی رەنگی یا کو ناڤەندا وێ ل سلێمانیێ یە پێش بکەڤیت، دێ ستاتویا ھەرێما کوردستانێ کەڤیتە بن مەترسییێ. ژ بەر کو ل گۆری قانوونێن ئیراقێ، سێ پارێزگەهـ پێویستن ژ بۆ ئاڤاکرنا سیستەما فیدرالی. ب راستی، ئەڤ رەوشە ھەمی وان یاریا کو ناڤەندا وان ل سلێمانیێ یە بەرچاڤ دکەت.
ل دژی قرکرنێ چەکێ ل دەستێ کوردان دا: حکوومەتا ھەرێما کوردستانێ یە
نەخشەرێیا کۆدەتایا ل سەر ھەرێما کوردستانێ نە تەنێ ب پەکەکێ ڤە گرێدایی یە. پەکەکە لنگێ کوردی یێ ڤێ پلانێ ب رێخستن دکەت. ئارمانج ئەوە کو ھەموو دەستکەفتیێن کوردان ژ ھۆلێ راکەن. ل ھەرێما کوردستانێ ئالۆزیەک ناڤخوەیی و پەڤچوونەک لەشکەری دهێتە واتەیا بەرەڤ ژێرڤە چووناھەموو کوردان. ل دژی جینۆسایدا گەلێ کورد حکوومەتا ھەرێما کوردستانێ تاکە ستارگەهە. ئەگەر ئەڤ چەکە زرارێ ببینیت ھەموو کورد دێ زەرەرمەند بن. گەر ل ھەرێما کوردستانێ ھەولدانەک دربەیی سەرکەڤیت، بەراهیکێ چ دێ چێبیت؟ بێ گومان، ئارتێشا ترکیێ دێ چیتە ناڤ رۆژئاڤا. گاڤا دویەم چیە؟ ئەو ب ڤەکرنا دەریێ سینۆرێ یێ ئۆباکوو دێ حەتا تەلەعفەرێ چیت. تەلەعفەر، 35 کم دووری دەشتا شنگالێ یە.
پەکەکە ل دژی مەترسییا کو ھەموو رۆژئاڤا مینا ئەفرینێ لێ بهێت دێ چ کەت؟
ئانکو، ئێرشێن پەکەکێ یێن ژ بۆ بەرژەوەندییێن حیزبا خوە، ل سەر ھەرێما کوردستانێ، ب راستی ل دژی قەدەرا کوردان قومار کرنە. پەکەکە تەڤگەرەکە کو دکاریت ڤێ یەکێ ژ بۆ بەرژەوەندیێن حیزبی بەرچاڤ بگریت. تشتێ کو دکاریت شنگالێ ژ دەستێ داگیرکەران رزگار بکەت، پێکئانینا پەیمانا بەغدا-ھەولەرێ یە. لێ پەکەکە هندە یا چاڤسۆرە کو دبێژیت ئەگەر بۆ من نەبیت، بلا ئەو بۆ دوژمنی بمینیت. گۆتووبێژێن یەکیتیێ ل رۆژئاڤا دکاریت پاشەرۆژا رۆژئاڤا مسۆگەر بکەت. لێ بەلێ، پەکەکە ب خواستەکا کو دڤێت رۆژئاڤا تەنێ یا یا وێ بیت و تفاقا ئەنەکەسێ و پەیەنەدێ وەکی یاریەکا ئەمپەریالیزمێ دنرخینیت. پەکەکە ل شوونا داعشێ خەلکێ شنگالێ تێخیتە ناڤا ھەمبێزا حەشدا شەعبی دا. رەغمێ خەتەریا هندێ کو هەموو رۆژئاڤا وەکو عەفرینێ لێ بهێت، لێ دیسان ژی پەکەکە ژ بەرژەوەندیێن خوە دەستا ناداهێلیت. ب پەژراندنا ڤێ کۆمپلۆیا مەزن ل دژی کوردان، پەکەکە بویە لنگە کورد د ڤێ پیلانێ دا. ئەڤ ئەرکا قرێژ قەبوول کرییە و ئارمانچ دکەت ھندەک ژێ مایی بگەھنە وێ ژی.
بێ گومان، ئەڤ نەخشەیا خیانەتا پەکەک سەروەر نابیت. ھەر کەسێ کو ژ ڤێ نەخشەیا پەکەکێ فەھم دکەت دڤێت بەرژەوەندی و گۆمانێن شەخسی بدەتە لایەکی و ل دژی پیلانا کۆدەتایا پەکەکێ ھەلوەستێ نیشان بدەت. تشتێ ڤێ پلانا پەکەکێ بدەتە راوەستاندن، دێ ھەلوەستا کوردێن خوەدی شەرەف و کەرامەت بیت.
