سالح موسلم: دانووستاندنێن لایەنێن کوردی دەمکێ ھاتنە راوەستاندن!

سالح موسلم دبێژیت، دانووستاندنێن یەکرێزیا نشتیمانی د ناڤبەرا لایەنێن کوردی دا ل رۆژئاڤایێ کوردستانێ ب ئاوایەکێ دەمکی ھاتنە راوەستاندن.

ئەندامێ دەستەیا سەرۆکاتیا ھەڤبەش یا پەیەدێ سالح موسلم بۆ مەدیایا هەسەدە ئاشکەرا کر، دانووستاندنێن یەکرێزیا ناڤمالا کوردی، د ناڤبەرا لایەنێن سیاسی دا ل رۆژئاڤایێ کوردستانێ ب ئاوایەکێ دەمکی ھاتنە راوەستاندن.

ب گۆتنا وی، سەدەما ڤێ یەکێ نەبەشداریا لایەنێ ئەمریکی و شاندا ئەنجوومەنا نشتیمانی یا کوردی (ئەنەکەس)ێ د جڤینان دایە.

لگۆر سالح موسلم، ھەر دەما کو ھەر دو لایەن ل رۆژئاڤایێ کوردستانێ ئامادە بوون، دێ دانووستاندنێن وان جارەکا دی دەستپێ کەن.

موسلم دا زانین، حەتا نھا لھەڤکرن دەربارێ لێڤەگەرا سیاسی ھاتیە کرن. ھەروەھا بەشداریا لایەنێن کوردی د رێڤەبەریا خوەسەر دا. مژارا سەربازی، دانووستاندن ل سەر بەردەوالک.