وەزیرێ نوو یێ بەرگرییا ئەمریکایێ: دەم هاتیە کو لەشکەرێن مە ژ رۆژھلاتا ناڤین دەرکەڤن

وەزیرێ نوو یێ بەرگرییا ئەمریکایێ: دەم هاتیە کو لەشکەرێن مە ژ رۆژھلاتا ناڤین دەرکەڤن

کریس میلر، جیهگرێ وەزیرێ بەرگرییا ئەمریکایێ د یەکەم پەیاما خوە دا ژ بۆ ئارتەشا ئامەریکایێ راگهاند کو دەمێ ڤێ یەکێ هاتیە ئەمریکا هێزێن خوە د پەڤچوونێن رۆژهلاتا ناڤین دا ڤەکێشیت.

کریس میلر، راگهاند کو ویلایەتێن یەکبوویی یێن ئەمریکایێ ب راسستی ژی ژ پەڤچوونان بێزار بوویە.

میلر رۆژا دوشەمی پشتی ژ کار لادانا مارک ئەسپەر، وەزیرێ بەرێ یێ بەرگریێ ژ لایێ دۆنالد ترامپ، سەرۆکێ ویلایەتێن یەکبوویی وەکو جیهگرێ وەزیرێ بەرگریێ ل پەنتاگۆنێ هاتە ئەرکدارکرن.

میلر راگهاند: “د راستی دا ئەڤ پەڤچوونە گەلەک درێژ بوونە و فەداکاریێن لەشکەرێن مە ژی گەلەک زێدە بوون. گەلەک کەس ژ شەری بێزار بوونە، ئەز ب خوە ژی یەک ژ وان کەسانم، لێ بەلێ د ڤێ قۆناغا گرنگ دا ئەم دێ هەول دەین رۆلا خوە ژ رێبەریێ بۆ رۆلا پشتەڤانیێ بگوهەرین.”

ناڤبووری بەردەوام کر: “ئەم نە نەتەوەکین د شەرەکی بەردەوامدا بین. پێدڤییە هەموو شەر ب داوی ببن. ویلایەتێن یەکبوویی نێزیکی تێکبرنا یەکجاری یا ئەل-قاعیدە و هەڤالبەندێن وێ یە. ئەم ب ڤێ زەحمەتیێ روو ب روو مان و هەر تشت مە پەیدا کر. نها دەما ڤەگەرینا مالێ یە”.

پوستێن ھەمان بەش