وەزیرێ دەرڤە یێ ئامەریکایێ مایك پۆمپێیۆ راگه‌ھاند؛ پێویسته ئامەریکا و ئەورۆپا ژ بۆ رێگرتنا کارێن ترکیێ ل رۆژھلاتا ناڤین، زێدەتر ل گه‌ل هه‌ڤ كار بكن.
مایك پۆمپێیۆ ل فره‌نسایێ ژ بۆ رۆژنامەیا لوفیگارۆ داخویانی دا و ل سەر کێشەیێن ھەرێما كارەباخێ راگه‌ھاند: «ئەز و سەرۆکێ فره‌نسایێ ل سەر وێ یەکێ د ھەمان نه‌رینێ دا نە، کو تەڤگەرێن ترکیێ گەلەک توندرەو بووینە».
هه‌روه‌ها دەست نیشان کر کو ترکیێ پشتگرییا ئازەربایجانێ کر، دا کو د شەرێ كەرەباخێ دە ب سەر بكه‌ڤیت.
وەزیرێ دەرڤە یێ ئامەریکایێ تەڤگەرێن ترکیێ یێن ل لیبیا و دەریایا سپی شەرمەزار کر و ب توندی رەد کر.
ھێژایی گۆتنێ یە کو ژ بەر سیاسەتا ئەنقەرێ، بوھایێ لیرەیا ترکی ل ھەمبەر دۆلار گەلەک داکەتییە، ب ئاوایەکی مەزن باندۆر ل ئابۆریا ترکیێ کرییە و چەند حه‌فتیێن بەرێ ژی وەزیرێ دارایی یێ ترکیێ دەست ژ کار بەردا.
