دبیت کو ترامپ بەری ب دوماهی هاتنا سەرۆکاتیا خوە تەھرانێ بۆمبەباران بکەت

ژێدەرێن میدیایی یێن ئەمریکی دبێژن کو دبیت سەرۆکێ ئەمریکایێ دۆنالد ترامپ ل دوماهی یا مەھا سەرۆکاتیا خوە دا ناڤەندێن ئەتۆمی یێن ئیرانێ بۆمبەباران بکەت دا کو بەرنامەیا ئەتۆمی یا ئیرانێ ژناڤ ببەت.

ل گۆری راپۆرتێن میدیایا ئەمریکی، دۆنالد ترامپ رۆژا پێنجشەمی، ١٢ێ چریا پاشین یا ٢٠٢٠، د جڤینەکا ڤەشارتی دا دگەل راوێژکارێن کۆچکا سپی دا، بانگ کر کو د ھەفتەیێن بهێت دا ڤەبژارکێن موحتەمەل یێن چالاکیێن ل دژی ناڤەندێن ئەتۆمی یێن ئیرانێ بهێنە دیارکرن.

ل گۆری نیۆ یۆرک تایمسێ، چار کاربدەستێن نھا و یێن بەرێ یێن ئەمریکی رۆژا دوشەمبێ گۆت کو جڤین رۆژەکی پشتی کو ڤەکۆلەرێن ناڤنەتەوەیی زێدەبوونا پیتاندنا یۆرانیۆمێ ل ئیرانێ راگەھاندی ھات.

گەلەک راوێژکارێن کۆچکا سپی یێن ناڤدار، د ناڤ دا هاریکارێ سەرۆک مایک پێنس، مایک پۆمپەئۆ وەزیرێ کارێن دەرڤە یێن ئامەریکایێ و کریستۆفەر مللەر وەزیرێ بەرگری یا ئامەریکایێ، خواستن ترامپ ژ دەستپێکرنا ئێرشا لەشکەری یا دژی سازگەھێن ناڤۆکی یێن ئیرانێ دوور بخن.

جەنەرال مارک میللی سەرۆکێ سەرئەرکانی یا هەڤبەش، ھشیاری دا کو ئێرشەک لەشکەری بۆ سەر ناڤەندێن ئەتۆمی یێن ئیرانێ د ھەفتەیێن دوماهییا سەرۆکاتیا ترامپ دا دبیت ببیتە سەدەما دروست بوونا شەری.

ئاژانسا ئەنەرژیا ئەتۆمی یا ناڤنەتەوەیی رۆژا چارشەمبێ راگەهاند کو چالاکیێن پیتاندنا ئوورانیوما ئیرانێ ١٢ جارا زیدەترە ژ رێژەیا دەستووردایی یا رێکەفتنا ناڤۆکی یە یا کو ترامپ د ٢٠١٨ دا فەرمانا دەرکەتن ژ وێ رێکەفتنێ دەر کری.

ژ لایەکێ دی ڤە، ل گۆری کاربدەستێن ئاگاھدار یێن ئەمریکی، پشتی کو وەزیرێ دەرڤەیێ ئەمریکایێ مایک پۆمپەئۆ و جەنەرال میللەر مەترسییێن گەنگازێن تەنگەزارییا لەشکەری ئەشکەرە کری، کاربدەستێن دی یێن ئامەریکی ب وێ باوەریێ کو ئێدی بژاردەیا ئێریشا موشەکی ل سەر ئیرانێ ئێدی نە موومکنە کۆمبوون بجیهـ هێلا.

ل گۆری کاربدەستێن ئەمریکی، دۆنالد ترامپ ل رێ و دربێن لێدانا ئیرانێ و ھەڤالبەندێن وێ یێن وەکو میلیشیایێن گرێدایی رەژیما ئیرانێ ل ئیراقێ دگەریت.