سەرکردەیێن ئەورۆپایێ مژارا سزادانا ترکیێ گۆتووبێژ دکەن

سەرکردەیێن ئەورۆپایێ مژارا سزادانا ترکیێ گۆتووبێژ دکەن

 وەزیرێ دەرڤەیێ ئالمانیایێ ھایکۆ ماسس دیار دکەت کو ژ بەر رەفتارێن ترکیێ یێن ل رۆژھەلاتێ دەریایا سپی، سەرکردەیێن یەکیتیا ئەورۆپایێ د لووتکەیا مەھا بهێت دا، دێ سەپاندنا جەزایان ل دژی ترکیێ گۆتووبێژ کەن.

بەری دەستپێکرنا جڤینا وەزیرێن دەرڤەیێن یەکیتیا ئەورۆپایێ یا ب رێیا ڤیدیۆ-کۆنفەرانسێ، وەزیرێ دەرڤە یێ ئەلمانیایێ دەستنیشان کر: “ھەولدانێن چارەسەرکرنا ئالۆزیا ناڤبەرا ترکیا و یەونانستانێ ل قبرسێ، حەتا نھا چ ئەنجامێن باش نەدایە.”

ل سەر پرسا “گەلۆ سزا ل سەر ترکیێ هێنە سەپاندن یان نە؟” ھایکۆ ماسس دیار کر کو یەکیتیا ئەورۆپایێ ئەڤ مژار بەری نھا بەحس کریە.

ژ بەر ھەولدانێن ترکیێ یێن لێگەرینا پەترۆل و گازێ ل دەڤەرێن نێزیکی ئاڤا یەونانستانێ، ئالۆزی د ناڤبەرا ھەر دو وەلاتان دە دەرکەتیە.

ئەنقەرە ل سەر بەردەوامبوونا لێگەرینا چاڤکانیێن نوو یێن ئەنەرژیێ ل دەریایا سپی رژدە و ڤێ پێنگاڤێ، یەونانستان و مسر و وەلاتێن یەکیتیا ئەورۆپایێ نیگەران کرینە.