سه‌ربازێن ئه‌مه‌ریكی ژ ئیراقێ ده‌ردكه‌ڤن

سه‌ربازێن ئه‌مه‌ریكی ژ ئیراقێ ده‌ردكه‌ڤن

ده‌ركه‌تنا سه‌ربازێن ئه‌مه‌ریكی ژ ئیراقێ ده‌ست پێ كر، د قووناغا یه‌كه‌م دا، 500 سه‌رباز دێ بنكه‌یێن خوه‌ چۆل بكه‌ن و ئه‌ڤ چه‌نده‌ ل گۆر په‌یمانا ل ناڤبه‌را به‌غدا و واشنگتۆنێ دا تێ كرن.

فەرماندارییا ئۆپەراسیۆنێن ھەڤبەش یا ئیراقێ د راگه‌هاندنه‌كێ دا، ڤەکشینا ھێزێن ئه‌مه‌ریكایێ پشتراست كر، د ڤێ ده‌ربارێ دا بەردەڤکێ فەرماندارییا ئۆپەراسیۆنان تەحسین خەفاجی راگه‌ھاند؛ ڤەکشینا ھێزێن ئه‌مه‌ریكایێ دەست پێ کرییه‌ و د قۆناغا یەکەم دا 500 سەربازێن ئه‌مه‌ریكایێ ژ ئیراقێ دەردکەڤن، ئەڤ ژی ل گۆر رێکكەفتنا ناڤبەرا بەغدا و واشنگتۆنێ دا ب رێڤە دچیت.

دیار کر کو ل گۆر بەرنامەیا ژ ئالیێ بەغدا و واشنگتۆنێ ھاتیە دانین، ڤەکشینا ھێزێن ئه‌مه‌ریكایێ دێ د دەمەکە كێم دا پێک هێت.

وەزارەتا بەرەڤانیێ یا ئه‌مه‌ریكایێ د 17ێ مه‌ها رابووری دا  راگه‌ھاندبوو، بەری تەمامبوونا دەما سەرۆکاتییا دۆنالد ترامپ، ئه‌مه‌ریكا دێ 2000 سەربازان ژ ئەفغانستانێ و 500 سەربازان ژ ئیراقێ ڤەکشینە.

پرسا ده‌ركه‌تنا هێزێن ئه‌مه‌ریكایێ ژ ئیراقێ، هێزێن شیعه‌ مه‌زهه‌ب یێن ئیراقێ كو ل ژێر باندۆرا ئیرانێ نه‌ داخواز كربوو و ب ئاوایه‌كی یاسا ل پارلمه‌نا ئیراقێ ئه‌رێ كربوو، ئه‌مه‌ریكایێ پشتره‌ راگه‌هاند كو به‌شه‌ك ژ وان هێزان وێ ل باشوورێ كوردستانێ وه‌ره‌ن ب جی كرن، لێ به‌لێ ئه‌شكه‌ره‌ نه‌كربوو كانێ ژ بۆ چ ده‌مه‌كێ وێ ل باشوور بمینن.

هێزێن ئه‌مه‌ریكایێ ل گۆر وێ ریفۆرما كو د وه‌زاره‌تا پێشمه‌رگه‌ یا حكوومه‌تا باشوور دا تێ كرن، ل حه‌فتییا رابووری چه‌ك و پێویستیێن لۆجستیك دانه‌ هێزێن پێشمه‌رگه‌.