بارەگەھێن ھێزێن ئیرانی یێن ل سووریێ ھاتنە بۆمبەباران کرن

بارەگەھێن ھێزێن ئیرانی یێن ل سووریێ ھاتنە بۆمبەباران کرن

ژ بەر بۆمبەبارانا بالەفرێن شەری 14 چەکدارێن سەر ب ئیرانێ ل رۆژھەلاتێ سووریێ ھاتنە کوشتن.

ھاتە راگەھاندن کو ژ لایێ بالافرێن نەناس ڤە بارەگەھێن ھێزێن گرێدایی ئیرانێ یێن ل باژارێ ئەلبووکەمال سەر ب پارێزگەھا دێرەزۆرا سووریێ ھاتنە بۆمەباران کرن.

رەوانگەھا سووری یا مافێن مرۆڤان راگەھاند، ئەو 14 چەکدار ژ بەر بۆمبەبارانا بالەفرێن شەری سەر چەند پێگەھەکێن لەشکەری ل گوندێن ئەلبو کەمالا ل رۆژھەلاتێ سووریێ ھاتنە کوشتن.

رەوانگەھا سووری یا مافێن مرۆڤان ئاماژە ب وێ یەکێ کر کو بالافرێن نەناس زێدەتری 10 ئێریشان ل دژی بارەگەھێن ھێزێن ئیرانێ یێن ل رۆژئاڤایێ باژارێ ئەلبووکەمال ل دێرەزۆرێ پێک ئانین، و ئاماژە ب وێ یەکێ کر کو چەکدارێن هاتیە کوشتن سەر ب میلیشیایێن ئیرانی بوونە، کو 8 ژ وان ئیراقی بوون و 6 ژ وان ژی ئەفغانی بوون.