بالیۆزخانه‌یێن ئسرائیلێ ل وه‌لاتێن دنیایێ، كه‌تن د ره‌وشا ئاماده‌باشییا هه‌ری خه‌ته‌ره دا، پاش كو زانایێ ئه‌تۆمییا ئیرانێ محسن فه‌خری زاده هاتییه كوشتن.
كه‌نالا 12 یا ئسرائیلێ ئه‌ڤرۆ رۆژا شه‌مبی 28/11/2020ێ ئه‌شكه‌ره كر، وه‌ك ئاماده‌كاری ژ بۆی هه‌ر ره‌وشه‌كێ، بالیۆزخانه‌یێن ئسرائیلێ ل ته‌ڤ وه‌لاتێن دنیایێ كه‌تن د ره‌وشا ئاماده‌باشیێ یا هه‌ری خه‌ته‌ر دا، ژ به‌ر كو ره‌ژیما ئیرانێ، ئسرائیلێ ب په‌رپرسیار ژ جینایه‌تا ته‌رۆر كرنا زانایێ خوه یێ ئه‌تۆمیێ، محسن فه‌خری زاده دبینیت.
هه‌روه‌ها ئاماژه كر، ئسرائیل نها پێشبینیا كریارێن تۆلهدانێ دكه‌ت، له‌وما ئه‌ڤ بریار ژ بۆی بالیۆزخانه‌یێن وێ ل وه‌لاتێن دنیایێ هاتییه گرتن.
تێ زانین دوهـی رۆژا ئینی زانیایێ ئه‌تۆمییا ئیرانێ محسن فه‌خری زاد ل ته‌هرانێ كه‌تییه به‌ر ئێریشه‌كێ و جانێ خوه ژده‌ست دایه، ره‌ژیما ئیرانێ هه‌ر راست ئسرائیل ب كوشتنا وی سووچبار كر و ئیرۆ رێبه‌رێ ئیرانێ ئایه‌توللا عه‌لی خامنه‌یی گه‌ف ل ئیسرائیلێ خوارن و سۆزا تۆلهلدانێ دایه.
محسن فه‌خری زاده زانایێ پێنجێ یێ ئه‌تۆمییا ئیرانێ كو ژ سالا 2010ێ ڤه ل ناڤا ئیرانێ هاتینه ته‌رۆر كرن.
