چاڤکانیێن ئیراقی ئیرۆ رۆژا دوشەمی 30/11/2020ان راگەهاند، یەک ژ فەرماندارێن پایە بلدندێن سوپایێ پاسدارێن ئیرانێ کو ژ دەرگەهەک سنۆری یێ د ناڤبەرا هەر دو ولاتێن ئیراق و سووریێ، دگەل چەند کەسێن دی دەربازی سووریێ دبوو، ژ لایێ بالەفرێن درۆن یێن ئەمریکایێ ڤە هاتیە هەدەفکرن.
ل گۆر ئاگاهیێن دەستپێکی ناڤێ فەرماندارێ کو هاتیە کوشتن «مسلم شهدان»ە، هەر وەها ل گۆر ئاگاهیێن دەستپێکی سێ کەسێن دی ژی د گەل ڤی فەرماندارێ ئیرانی دا هاتینە هەدەفکرن و کوشتن.
ئەڤ یەک د دەمەکی دا یە کو د رۆژێن رابووری دا ل ئیرانێ، موحسن فەخریزادە، یەک ژ کەسێن بەرنیاس یێن بەرنامەیێن ئەتۆمی یێن ئیرانێ هاتە کوشتن. ئەو ل رۆژا 27/11/2020ێ ل ناڤچەیا ئابسەرد دەماوەند ل تەهرانێ هاتە کوشتن.
