هه‌ركو دچه ره‌ڤینا گه‌ریلایان ژ ناڤا رێزێن رێخستنا په‌كه‌كێ ده‌وام دكه، ل گۆر ئاماره‌كێ كو تركیێ به‌لاڤ كرییه، ته‌نێ د ئیسالێ ده، 218 گه‌ریلا ده‌رباسی باكورێ كوردستانێ بوونه و ته‌سلیم بوونه.
ل گۆر ئاماره‌كێ كو وه‌زاره‌تا ناڤخوه یا تركیێ ئیرۆ رۆژا پێنجشه‌می به‌لاڤ كرییه، د ئیسال 2020ان ده، هه‌ژمارا 218 گه‌ریلایێن په‌كه‌كێ ژ باشوور و رۆژئاڤا كوردستانێ ره‌ڤیانه و ده‌رباسی باكور بوونه و خوه راده‌ستی ده‌وله‌تێ كرنه.
د وێ ئامارێ ده وها هاتییه گۆتن: ئه‌ڤ هه‌ژمارا گه‌ریلایان هه‌موو ب رێیا ئیقناع كرنێ ته‌سلیم بوونه.
پارتییا كاركه‌رێن كوردستانێ وه‌كه هه‌رتم تو ئاگاهی ل ده‌ربارا ڤێ یه‌كێ به‌لاڤ نه‌كرنه، ئه‌ڤ ئامارا ده‌وله‌تا تركیێ ژی نه‌ده‌ره‌واندییه.
پارتییا كاركه‌رێن كوردستانێ ژ بۆ چێكرنا شه‌رڤانان پشت به‌ستنێ ل سه‌ر ره‌ڤاندنا كه‌چ و زارۆیان دكه، ئه‌ڤ یێك ژی وه‌كه جینایه‌ت ژ بال رێخستنێن ناڤده‌وله‌تی ڤه ل سه‌ر ته‌سبیت بوویه.
په‌كه‌كه كو بانگا وێ یه‌كێ دكه ئه‌و ژ بۆ چێكرنا براتییا گه‌لان ته‌ڤ دگه‌ره ب ئاوایه‌كی كو دۆزا كوردی ژ بیر كرییه، ئه‌ڤ یێك سه‌ده‌ما سه‌ره‌كه ئا ده‌ركه‌تن و ره‌ڤینا گه‌ریلایانه ژ ناڤا رێخستنێ، گه‌ریلا فێم دكن كو رێخستنێ ئه‌و ب ناڤێ كوردایه‌تیێ خاپاندنه.
